Pooja Hegde: స్టార్ హీరోయిన్లకు భారీ షాకిస్తున్న పూజా హెగ్డే!

September 19, 2021 / 03:12 PM ISTByFilmy Focus

Join Us

Pooja Hegde: స్టార్ హీరోయిన్లకు భారీ షాకిస్తున్న పూజా హెగ్డే!

తక్కువ సమయంలోనే స్టార్ హీరోయిన్ పూజా హెగ్డే టాలీవుడ్ టాప్ హీరోయిన్లలో ఒకరిగా ఎదిగారు. కెరీర్ తొలినాళ్లలో పూజా హెగ్డే నటించిన సినిమాలు వరుసగా ఫ్లాప్ అయినా స్టార్ హీరోలకు జోడీగా నటించిన సినిమాలు సక్సెస్ కావడం పూజా హెగ్డేకు ప్లస్ అయింది. విపరీతమైన క్రేజ్ ను సొంతం చేసుకున్న ఈ బ్యూటీకి కోలీవుడ్, బాలీవుడ్ ఇండస్ట్రీలలో కూడా ఆఫర్లు వస్తున్నాయి. ప్రస్తుతం తమిళంలో బీస్ట్ సినిమాలో పూజా హెగ్డే నటిస్తున్నారు.

ఈ సినిమా కోసం పూజా హెగ్డే ఏకంగా 5 కోట్ల రూపాయలు తీసుకుంటున్నారు. కోలీవుడ్ ఇండస్ట్రీలో హైయెస్ట్ రెమ్యునరేషన్ తీసుకునే హీరోయిన్ గా నయనతారకు పేరుంది. అయితే పూజా హెగ్డే మాత్రం నయనతారను మించి పారితోషికాన్ని తీసుకుంటున్నారు. స్టార్ హీరోయిన్ కీర్తి సురేష్ కూడా భారీగానే పారితోషికం తీసుకుంటున్నారని తెలుస్తోంది. పూజా హెగ్డే భవిష్యత్తు సినిమాలు హిట్టైతే పారితోషికం ఇంకా పెరిగే అవకాశాలు ఉంటాయి. మరోవైపు భారీగా రెమ్యునరేషన్ డిమాండ్ చేస్తూనే వరుస సినిమా ఆఫర్లతో పూజా హెగ్డే బిజీగా ఉన్నారు.

తెలుగులో మహేష్ తరువాత సినిమాకు పూజా హెగ్డే ఫిక్స్ కాగా పవన్ తరువాత సినిమాకు కూడా పూజా హెగ్డే ఫిక్స్ అయ్యారని తెలుస్తోంది. ఇప్పటికే ఒకసారి నటించినప్పటికీ పూజా హెగ్డేకు స్టార్ హీరోలకు జోడీగా మరోసారి నటించే అవకాశం దక్కుతోంది. దీపం ఉండగానే ఇల్లు చక్కబెట్టుకోవాలనే నియమాన్ని పూజా హెగ్డే చక్కగా పాటిస్తున్నారు. పూజా హెగ్డే నటించిన రాధేశ్యామ్ వచ్చే ఏడాది జనవరిలో రిలీజ్ కానుంది.