ఇండస్ట్రీకి చెందిన చాలా మంది స్టార్లు ప్రజల కోసం తమకు చేతనైనంత సాయం చేస్తుంటారు. కొందరు ఫౌండషన్స్ ఏర్పాటు చేసి మరీ సేవలు అందిస్తున్నారు. ఇప్పుడు ఆ లిస్ట్ లోకి టాలీవుడ్ స్టార్ హీరోయిన్ పూజాహెగ్డే కూడా చేరింది. ‘ఆల్ అబౌట్ లవ్’ అనే ఫౌండేషన్ ను మొదలుపెట్టి పేద ప్రజలకు సాయం చేయడానికి ముందుకొచ్చింది పూజాహెగ్డే. సమాజానికి సేవ చేయడానికి ఈ ఫౌండేషన్ చిన్న మార్గంలా భావిస్తున్నానని చెప్పుకొచ్చింది.
ఒకరి జీవితంలో మంచి మార్పు తెచ్చే స్థాయిలో, ఇంకొకరికి సేవ చేసేంత శక్తిని ఇచ్చిన తనకు ఇచ్చిన ప్రజలకు కృతజ్ఞతలు చెప్పింది. ప్రేమ అనేది శక్తివంతమైన ఎమోషన్ అని.. ప్రేమతో చేసే ఏ సేవ అయినా.. ప్రపంచంలో మంచి మార్పుకి కారణం అవుతుందని నమ్ముతానని చెప్పుకొచ్చింది. ఆర్ధిక ఇబ్బందుల్లో ఉండి వైద్య సాయం కోసం ఎదురుచూస్తున్న వారికి ఈ ఫౌండేషన్ సాయం చేస్తుందని చెప్పింది. ఇక సినిమాల విషయానికొస్తే.. ప్రస్తుతం పూజా చేతిలో ఉన్నవన్నీ భారీ సినిమాలే. ప్రభాస్ హీరోగా తెరకెక్కుతోన్న ‘రాధేశ్యామ్’,
అలానే మెగాస్టార్ ‘ఆచార్య’ సినిమాల్లో నటిస్తోంది ఈ బుట్టబొమ్మ. తమిళంలో విజయ్ కి జంటగా ‘బీస్ట్’ అనే సినిమాలో నటిస్తోంది. ఇక బాలీవుడ్ లో వరుస సినిమాలు లైన్లో పెడుతోంది. తెలుగులో ఈమె నటించిన ‘మోస్ట్ ఎలిజిబుల్ బ్యాచిలర్’ సినిమా విడుదలకు సిద్ధంగా ఉంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
Home
