Prabhas, Gopichand: గోపీచంద్ ఇంటి దగ్గర ప్రభాస్ పోష్ కార్!

పాన్ ఇండియా స్టార్ ప్రభాస్, నటుడు గోపీచంద్ మంచి స్నేహితులనే సంగతి తెలిసిందే. ‘వర్షం’ సినిమాలో వీరిద్దరూ కలిసి నటించారు. అప్పటినుంచి ఇద్దరి మధ్య స్నేహం ఏర్పడింది. ఇద్దరూ తమ కెరీర్ లో ఎంత బిజీగా ఉన్నప్పటికీ.. సమయం దొరికినప్పుడల్లా కలిసి టైం స్పెండ్ చేస్తుంటారు. పలు సందర్భాల్లో ఒకరిపై మరొకరికి ఉన్న అభిమానాన్ని, గౌరవాన్ని బయటపెడుతూనే ఉంటారు. గోపీచంద్ ఇంట్లో ఎలాంటి అకేషన్ జరిగినా.. దానికి ప్రభాస్ హాజరవ్వాల్సిందే.

రీసెంట్ గా ప్రభాస్.. గోపీచంద్ ఇంటికి వెళ్లి మరీ ఆయన్ను కలిశారు. ప్రభాస్ కి గోపీచంద్ చిన్న కొడుకు వియాన్ అంటే చాలా ఇష్టం. అందుకే తన బిజీ షెడ్యూల్స్ లో కొంత గ్యాప్ తీసుకొని మరీ ఈ నాలుగేళ్ల చిన్నారితో ఆడుకోవడానికి గోపీచంద్ ఇంటికి వెళ్లారు. ప్రభాస్ దగ్గర లంబోర్ఘిని అనే పోష్ కార్ ఉన్న సంగతి తెలిసిందే. ఆ కారులో గోపీచంద్ ఇంటికి వెళ్లారాయన. గోపీచంద్ ఇంటి దగ్గర ఈ కారు ఉండడంతో ఫొటోలు బయటకొచ్చాయి.

రీసెంట్ గా ‘పక్కా కమర్షియల్’ సినిమా ప్రమోషన్స్ లో గోపీచంద్.. ప్రభాస్ తో మళ్లీ నటించాలనుందని వెల్లడించిన సంగతి తెలిసిందే. ప్రభాస్ కూడా తనతో నటించడానికి రెడీగా ఉన్నారని అన్నారు. సరైన స్క్రిప్ట్ దొరికితే తమ కాంబోలో సినిమా ఉంటుందని అన్నారు. గతంలో యూవీ క్రియేషన్స్ ఈ ఇద్దరు హీరోలతో సినిమా చేయాలనుకుంది. కానీ వర్కవుట్ కాలేదు.

ఇప్పట్లో ఈ కాంబినేషన్ సెట్ అయ్యేలా లేదు. ఎందుకంటే ప్రభాస్ తన పాన్ ఇండియా ప్రాజెక్ట్స్ తో చాలా బిజీగా ఉన్నారు. మరో రెండు, మూడేళ్లకు సరిపడా సినిమాలు అతడి చేతిలో ఉన్నాయి. ఇవి పూర్తి చేసినా.. ఆయన ఖాళీగా ఉంటారని అనుకోలేం. మరింత మంది దర్శకులకు డేట్స్ ఇచ్చే ఛాన్స్ ఉంది.

రామారావు ఆన్ డ్యూటీ సినిమా రివ్యూ & రేటింగ్!

Most Recommended Video

అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?