Raj Tarun: ఈసారి రాజ్ తరుణ్ హిట్టు కొట్టే ఛాన్సులు ఉన్నాయి..!

షార్ట్ ఫిలిమ్స్ తో కెరీర్ ను ప్రారంభించిన రాజ్ తరుణ్ ఆ తర్వాత హీరోగా మారి ‘ఉయ్యాలా జంపాలా’ ‘సినిమా చూపిస్తా మావా’ ‘కుమారి 21ఎఫ్’ ‘ఈడోరకం ఆడోరకం’ వంటి హిట్ సినిమాల్లో నటించాడు. వరుసగా హిట్లు పడటంతో రాజ్ తరుణ్ సూపర్ క్రేజ్ ను సొంతం చేసుకున్నాడు. ఆ సినిమాల ఎఫెక్ట్ తో దర్శక నిర్మాతలు రాజ్ తరుణ్ కాల్ షీట్ల కోసం ఎగబడ్డారు. కానీ తర్వాత అతన్ని ప్లాపులు పలకరించాయి. కానీ ఎప్పుడూ కూడా ఇతని నిరాశ చెందలేదు.

ఎన్ని ఫ్లాపులు ఎదురైనా తనకు ఓ మంచి హిట్ వస్తుందని ఆశాభావంతో ముందుకు సాగుతున్నాడు. ఈ క్రమంలో కొత్త కొత్త ప్రయత్నాలు కూడా చేస్తున్నాడు. రాజ్ తరుణ్ తో సినిమా చేయడం వల్ల నిర్మాతలకు నష్టం ఉండదు. అందుకోసమే రాజ్ తరుణ్ తో సినిమాలు చేయడానికి నిర్మాతలు ఎగబడతారు. గతేడాది ‘అహ నా పెళ్ళంట’ అనే వెబ్ సిరీస్ చేశాడు. దీనికి మంచి స్పందన లభించింది. అతనికి అవార్డులు కూడా తెచ్చిపెట్టింది.

సో రాజ్ తరుణ్ (Raj Tarun) డిజిటల్ ఎంట్రీలో కూడా సక్సెస్ అయ్యాడు. ఇదిలా ఉండగా.. ఇప్పుడు మళ్ళీ ఓ సినిమాలో నటించబోతున్నాడు. రాజ్ తరుణ్ నటించబోయే లేటెస్ట్ మూవీకి ప్రభాస్ డైరెక్టర్ సపోర్ట్ ఉందట. ఆ దర్శకుడు మరెవరో కాదు మారుతి. సుకుమార్ లానే మారుతి కూడా తన శిష్యులను డైరెక్టర్లుగా నిలబెట్టడానికి చాలా ప్రయత్నాలు చేశాడు. కానీ ఎవ్వరూ నిలబడలేదు. పైగా మారుతి కూడా హిట్ కొట్టాల్సిన టైంలో ఉన్నాడు.

ఈ క్రమంలో అతని కథతో రాజ్ తరుణ్ ను హీరోగా పెట్టి ఓ సినిమా రూపొందిస్తున్నాడు. దీనికి ‘సాయి వ‌ర్థ‌న్‌’ దర్శకుడు. గతంలో ఇతను ‘గీత సుబ్రహ్మణ్యం’ అనే వెబ్ సిరీస్ తీసి సక్సెస్ అయ్యాడు. ఈసారి రాజ్ తరుణ్ తో ఓ క్రేజీ మూవీ చేయడానికి రెడీ అయ్యాడు. త్వరలోనే దీనికి సంబంధించిన అధికారిక ప్రకటన రానుంది.

విరూపాక్ష సినిమా రివ్యూ & రేటింగ్!
గత 10 సినిమాల నుండి సాయి ధరమ్ తేజ్ బాక్సాఫీస్ పెర్ఫార్మన్స్ ఎలా ఉందంటే..?

శాకుంతలం పాత్రలో నటించిన హీరోయిన్ లు వీళ్లేనా?
కాంట్రవర్సీ లిస్ట్ లో ఆ సినిమా కూడా ఉందా?