Prabhas, Prashanth Neel: ప్రశాంత్ నీల్ పై ప్రభాస్ ఫన్నీ కౌంటర్.. సోషల్ మీడియాని షేక్ చేసేస్తున్న వీడియో.!

August 17, 2024 / 06:14 PM ISTByFilmy Focus

Join Us

ప్రభాస్ (Prabhas) మీడియా ముందు ఎక్కువగా మాట్లాడడు. ఒకవేళ మాట్లాడాల్సి వస్తే చాలా ఇబ్బంది పడుతుంటాడు. ఏదేదో మాట్లాడేస్తూ ఉంటాడు. అలా అని ‘ప్రభాస్ కి ఏమీ తెలీదు.. అమాయకుడు’ అనుకోకూడదండోయ్.! మనోడిలో కూడా మంచి ‘సెన్స్ ఆఫ్ హ్యూమర్’ ఉంటుంది. ‘ఎంతైనా గోదావరి వెటకారం’ అనే బ్రాండ్ కి చెందిన వ్యక్తి కదా..! ప్రభాస్ తో డైరెక్టర్స్ పెద్ద పెద్ద సినిమాలు చాలా సులభంగా తీయడానికి కూడా అతని ‘సెన్స్ ఆఫ్ హ్యూమరే’ కారణం అని చెప్పొచ్చు. ఇదంతా ఎందుకు చెబుతున్నా… అంటే..!

Prabhas, Prashanth Neel

ఈరోజు ప్రభాస్ కొత్త సినిమా మొదలైంది.’సీతా రామం’ (Sita Ramam) తో బౌన్స్ బ్యాక్ అయిన హను రాఘవపూడి (Hanu Raghavapudi) ఈ చిత్రానికి దర్శకుడు. ‘మైత్రి మూవీ మేకర్స్’ సంస్థ నిర్మిస్తోంది. ఈరోజు అనగా ఆగస్టు 17న ఈ కొత్త సినిమా ఓపెనింగ్ గ్రాండ్ గా జరిగింది. ‘మైత్రి’ వారి కొత్త ఆఫీస్ లో పూజా కార్యక్రమాలు జరిగాయి. దీని ‘సలార్’ (Salaar) దర్శకుడు ప్రశాంత్ నీల్ (Prashanth Neel) కూడా హాజరయ్యాడు. ఈ క్రమంలో ప్రశాంత్ నీల్ పై ఫన్నీ సెటైర్ వేశాడు ప్రభాస్.

మరిన్ని సినిమా వార్తలు.

విషయం ఏంటంటే.. ప్రశాంత్ నీల్ గ్లాసెస్ పెట్టుకుని వచ్చాడు. అప్పుడు ప్రభాస్ (Prabhas) ‘ఈయనే హీరోలా ఉన్నాడు’ అంటూ కౌంటర్ వదిలాడు. దెబ్బకు ప్రశాంత్ నీల్.. కళ్ళజోడు తీసేశాడు. దీనికి సంబంధించిన వీడియో ప్రస్తుతం సోషల్ మీడియాని ఊపేస్తోంది. ప్రభాస్ ని అభిమానులు ఇలా ఎక్కువగా చూడరు కాబట్టి.. వారిని ఈ వీడియో అమితంగా ఆకట్టుకుంటుంది. మీరు కూడా ఓ లుక్కేయండి :