Prabhas, Pooja Hegde: పూజా హెగ్డేకు భారీ షాకిచ్చిన ప్రభాస్!

March 8, 2022 / 06:30 PM ISTByFilmy Focus

Join Us

Prabhas, Pooja Hegde: పూజా హెగ్డేకు భారీ షాకిచ్చిన ప్రభాస్!

స్టార్ హీరో ప్రభాస్ గత సినిమా సాహో బాక్సాఫీస్ వద్ద భారీ బ్లాక్ బస్టర్ హిట్ గా నిలవకపోయినా నిర్మాతలకు భారీ నష్టాలను మిగల్చలేదు. రాధేశ్యామ్ సినిమా మాత్రం బ్రేక్ ఈవెన్ కావడంతో పాటు నిర్మాతలకు భారీ లాభాలను అందిస్తుందని ఫ్యాన్స్ భావిస్తున్నారు. నిర్మాతలు ఈ సినిమా కోసం 300 కోట్ల రూపాయలు ఖర్చు చేయగా ఈ సినిమాకు బిజినెస్ సైతం అదే స్థాయిలో జరగడం గమనార్హం. ఈ సినిమా నైజాం హక్కులు రికార్డు రేటుకు దిల్ రాజు కొనుగోలు చేశారని తెలుస్తోంది.

రాధేశ్యామ్ సినిమా ప్రమోషన్స్ లో భాగంగా వరుసగా ఇంటర్వ్యూలు ఇస్తున్న ప్రభాస్ బాహుబలి1 సినిమా కోసం విపరీతంగా ప్రమోషన్లు చేశామని ఆ సమయంలో సినిమా ప్రమోషన్ల విషయంలో జంకు తగ్గిందని అన్నారు. ప్రాజెక్ట్ కె సినిమాలో తనకు జోడీగా నటిస్తున్న దీపికా పదుకొనే తనను నువ్వు ఎక్కువగా మాట్లాడవట కదా అని అడిగిందని ప్రభాస్ వెల్లడించారు. ఆ సమయంలో తాను పరిచయమైతే ఎక్కువ మాట్లాడతానని నాకు స్టార్టింగ్ ప్రాబ్లమ్ అని చెప్పానని ప్రభాస్ చెప్పుకొచ్చారు.

తనకు పర్సనల్ గా దీపికా పదుకొనే అంటే ఇష్టమని ఆమె యాటిట్యూడ్ ను బాగా ఇష్టపడతానని ప్రభాస్ వెల్లడించారు. పూజా హెగ్డే పక్కన ఉండగానే ప్రభాస్ మరో హీరోయిన్ అంటే తనకు ఇష్టమని వెల్లడించటం గమనార్హం. ఒక విధంగా పూజా హెగ్డేకు ప్రభాస్ తన ముందే మరో హీరోయిన్ ను పొగిడి షాక్ ఇచ్చారని చెప్పాలి. ప్రభాస్ ప్రమోషన్ల ద్వారా రాధేశ్యామ్ పై అంచనాలను పెంచేశారు. వరుసగా యాక్షన్, కమర్షియల్ సినిమాలలో నటించిన తర్వాత రాధేశ్యామ్ లో నటించడం రిలాక్స్ గా అనిపించిందని ప్రభాస్ వెల్లడించారు.

దర్శకుడు పాత్రను తీర్చిదిద్దిన విధానం బాగుందని ప్రభాస్ పేర్కొన్నారు. తాను పూర్తిస్థాయి కామెడీ సినిమాలో నటిస్తున్నానని అయితే ఆ సినిమాకు సంబంధించిన వివరాలను ఇప్పుడే బయటపెట్టాలని అనుకోవడం లేదని ప్రభాస్ వెల్లడించారు.