స్క్రిప్ట్ నచ్చితే భారీ చిత్రానికి సై అంటున్న ప్రభాస్

సినిమాలో బ్రేక్ రావడానికి రెండు మూడేళ్లు కష్టపడడంలో ఎటువంటి ఇబ్బంది లేదు. అయితే స్టార్ హీరోగా పేరు సంపాదించుకున్న తర్వాత ఒక సినిమాకి నాలుగేళ్లు కేటాయించడం సాహసంతో కూడిన విషయం. ఆ సాహసాన్ని ప్రభాస్ చేశారు. నాలుగేళ్ల పాటు బాహుబలికి అంకితమయ్యారు. అతని కష్టానికి తగ్గ ప్రతిఫలం దక్కింది. ఇండియన్ స్టార్ గా ఎదిగారు. అంతర్జాతీయ స్థాయిలో గుర్తింపు సంపాదించుకున్నారు. మళ్ళీ అన్నేళ్లు ఒక సినిమాకోసం పనిచేస్తారా? అని ప్రభాస్ ని అడగగా .. అలాంటి సాహసం మరోసారి చేయలేనని స్పష్టం చేశారు.

అయితే స్క్రిప్ట్ నచ్చితే రెండేళ్ల పాటు డేట్స్ ఇవ్వడానికి తనకు ఎటువంటి అభ్యంతరం లేదని వివరించారు. ప్రస్తుతం సుజిత్ దర్శకత్వంలో సాహో సినిమా కోసం రెడీ అవుతున్నారు. నిపుణుల పర్వవేక్షన్లో యాక్షన్ సీన్స్ ప్రాక్టీస్ చేస్తున్నారు. సాహో చిత్ర బృందం త్వరలో రెగ్యులర్ షూటింగ్ కి వెళ్లనుంది. యువీ క్రియేషన్స్ బ్యానర్లో వంశీ, ప్రమోద్ లు భారీ బడ్జెట్ తో నిర్మిస్తున్న ఈ సినిమాపై భారీ అంచనాలున్నాయి.   దీని తర్వాత జిల్ ఫేం రాధకృష్ణతో ప్రభాస్ మరో సినిమా చేయనున్నారు. ఈ మూవీకి ప్రీ ప్రొడక్షన్ వర్క్ జరుగుతోంది.

Also, do SUBSCRIBE to our YouTube channel to get latest Tollywood updates.