టాలీవుడ్‌ ఇండస్ట్రీలో మోస్ట్‌ లవబుల్‌ హీరో ఎవరు అంటే.. ప్రభాస్‌ అని చెబుతారు. అందరినీ డార్లింగ్‌ డార్లింగ్‌ అని పిలుచుకునే ప్రభాస్‌ను అభిమానులు డార్లింగ్‌ అని పిలిచి మురిసిపోతుంటారు. ఆయన హాస్పిటాలిటీ, రిసీవింగ్‌ అద్భుతం అని సహ నటులు చెబుతుంటారు. అయితే ఆయన మీద నెగిటివ్‌ పబ్లిసిటీ జరుగుతోంది టాలీవుడ్‌లో అంటే నమ్ముతారా? గత కొన్ని రోజులుగా సోషల్‌ మీడియాలో ప్రభాస్‌కి సంబంధించిన కొన్ని ఫొటోలు చక్కర్లు కొడుతున్నాయి. ఎక్కడి నుండి వచ్చాయి, అసలు నిజమైనవే అనే విషయాలు క్లారిటీ లేకుండా ట్రోలర్స్‌ తెగ సర్క్యులేట్‌ చేస్తున్నారు.
‘బాహుబలి’ సినిమాలతో పాన్‌ ఇండియా హీరో అయిపోయిన ప్రభాస్‌.. ఇప్పుడు ఏ సినిమా చేసినా మొత్తం పాన్‌ ఇండియాకే అన్నట్లుగా ఉంటోంది. అయితే వరుసగా ఆయన నుండి వస్తున్న సినిమాలు ఆశించిన స్థాయిలో విజయాలు అందుకోవడం లేదు. ఇప్పుడు ‘ఆదిపురుష్‌’ సినిమాతో రావడానికి సిద్ధంగా ఉన్నాడు. ఆ తర్వాత ‘సలార్’ తీసుకొస్తారు. ఆ తర్వాత ఇంకా చాలా సినిమాలు రెడీగా ఉన్నాయి. వాటి పనుల్లో ప్రభాస్‌ బిజీగా ఉంటే.. ఆయన మీద అసత్య ప్రచారాలు చేయడానికి సోషల్‌ మీడియాలో ఓ టీమ్‌ బిజీగా ఉంది.
మాస్ లుక్‌లో అదరగొట్టే ప్రభాస్‌ ‘ఆదిపురుష్‌’ కోసం ప్రభాస్‌ లుక్‌ను మార్చాడు. దీని కోసం చాలా కష్టపడ్డాడు. గత కొన్ని నెలలుగా ప్రభాస్‌ను చూసి ఎవరైనా ఈ విషయం చెప్పేస్తారు. ఈ క్రమంలో ప్రభాస్‌ బాడీ ట్రాన్ఫర్మేషన్‌ ఫొటోలు తీసి ఉంచింది టీమ్‌. అవి పూర్తిగా ఆఫ్ లైన్ ఫోటోలు అని చెప్పొచ్చు. ఆ ఫొటోలే ఆ మధ్య సోషల్‌ మీడియాలో వైరల్ అయ్యాయి. కానీ ఇప్పుడు ఏకంగా ప్రభాస్‌ మార్ఫ్‌డ్‌ ఫొటోలు ట్వీట్లు చేస్తూ వైరల్ చేస్తున్నారు.
అవి మార్ఫ్‌డ్‌ ఫొటోలు అని తెలిసిపోతున్నా.. కొంతమంది సోషల్‌ మీడియా ఇన్‌ఫ్లూయెన్సర్లు వాటిని షేర్‌ చేస్తున్నారు. వారికి పెద్ద సంఖ్యలో ఫాలోవర్లు ఉండటంతో.. ఆ ఫొటోలు వైరల్ అవుతున్నాయి. అలాగే డిస్కషన్‌ పాయింట్‌గా మారాయి. దీంతో అసలు ప్రభాస్‌ మీద ఇంత కోపం ఎందుకు? అనే ప్రశ్న మొదలైంది.
రెమ్యూనరేషన్ విషయంలో తగ్గేదే లే అంటున్న టాప్ 10 తెలుగు దర్శకులు!
విదేశాల్లో ఎక్కువగా కలెక్ట్ చేసిన 10 ఇండియన్ సినిమాలు!
2023 టాప్ 10 తెలుగు హీరోయిన్లు వాళ్ళ రెమ్యూనరేషన్స్.!
మనోజ్ టు అభిరామ్.. పెద్దోళ్ల సపోర్ట్ కు దూరంగా ఉన్న వారసుల లిస్ట్
Home