విక్రమాదిత్యగా ప్రభాస్!

October 21, 2020 / 11:49 AM ISTByFilmy Focus

Join Us

ప్ర‌భాస్ హీరోగా ‘రాధేశ్యామ్‌’ సినిమా తెరకెక్కుతోన్న సంగతి తెలిసిందే. ‘జిల్’ ఫేమ్ రాధాకృష్ణ‌ కుమార్ దర్శకత్వం వహిస్తున్న ఈ సినిమాలో పూజా హెగ్డే హీరోయిన్‌గా నటిస్తోంది. ఈ నెల అక్టోబర్ 23వ తేదీన ప్రభాస్ పుట్టిన రోజు కానుకగా చిత్రబృందం మోషన్ పోస్టర్ రిలీజ్ చేస్తున్నట్లు ప్రకటించిన సంగతి తెలిసిందే. అయితే అంతకంటే ముందే మరో పెద్ద సర్‌ప్రైజ్ ఉందంటూ హీరోయిన్ పూజా హెగ్డే నిన్న సోషల్ మీడియాలో ఓ వీడియో రిలీజ్ చేసింది.

దీంతో అభిమానులంతా ‘రాధేశ్యామ్ సర్‌ప్రైజ్’ అనే హ్యాష్ ట్యాగ్ ని సోషల్ మీడియాలో ట్రెండ్ చేస్తున్నారు. ఫైనల్ గా ఆ సర్‌ప్రైజ్ ప్రేక్షకుల ముందుకు వచ్చేసింది. ఈ సినిమాలో ప్రభాస్.. విక్రమాదిత్య అనే పాత్రలో కనిపించనున్నాడు. దీనికి సంబంధించిన పోస్టర్ ని చిత్రబృందం విడుదల చేసింది. వింటేజ్ కారు మీద ప్రభాస్ కూర్చొని ఉన్న ఈ పోస్టర్ ఎంతో స్టైలిష్ గా ఉంది. పోస్టర్ లో ప్రభాస్ కాస్ట్యూమ్స్ కూడా ఆకట్టుకుంటున్నాయి.

కృష్ణంరాజు సమర్పణలో యువీ క్రియేషన్స్‌, టీ సిరీస్‌ బ్యానర్స్‌పై ఓ పీరియాడికల్ లవ్ స్టోరీగా ఈ సినిమా రూపొందుతోంది. కరోనా కారణంగా ఆగిపోయిన ఈ సినిమా షూటింగ్ ని తిరిగి మొదలుపెట్టారు. ప్రస్తుతం‌ ఇటలీలో షూటింగ్ జరుగుతోంది. ఈ సినిమాపై ప్రభాస్ అభిమానుల్లో భారీ అంచనాలు నెలకొన్నాయి.