టాలీవుడ్ ఇండస్ట్రీలో ఊహించని స్థాయిలో క్రేజ్ ఉన్న హీరోలలో ప్రభాస్ (Prabhas) , చరణ్ (Ram Charan) , ఎన్టీఆర్ (Jr NTR) ముందువరసలో ఉంటారు. ఈ ముగ్గురు హీరోల సినిమాలు బిజినెస్ పరంగా, కలెక్షన్స్ పరంగా అదరగొడుతున్న సంగతి తెలిసిందే. ఈ ఏడాది సెప్టెంబర్ నెలలో తారక్ ప్రశాంత్ నీల్ (Prashanth Neel) కాంబో మూవీ, చరణ్ బుచ్చిబాబు (Buchi Babu Sana) కాంబో మూవీ, ప్రభాస్ హను రాఘవపూడి (Hanu Raghavapudi) కాంబో మూవీ మొదలుకానున్నాయని సమాచారం అందుతోంది. ఈ మూడు ప్రాజెక్ట్ లకు మైత్రీ సంస్థతో సంబంధం ఉందని తెలుస్తోంది.
ఈ మూడు సినిమాల్లో చరణ్ బుచ్చిబాబు కాంబో మూవీ వచ్చే ఏడాది విడుదల కానుండగా మిగతా సినిమాలు 2026లో విడుదలయ్యే ఛాన్స్ ఉంది. ఈ సినిమాల షూటింగ్స్ అనుకున్న విధంగా జరిగితే ఈ సినిమాలు చెప్పిన సమయానికి విడుదలయ్యే అవకాశాలు అయితే ఉన్నాయని సమాచారం అందుతోంది. టాలీవుడ్ ఇండస్ట్రీలో పాన్ ఇండియా సినిమాలకు పాజిటివ్ టాక్ వస్తే ఆ సినిమాలు కలెక్షన్ల పరంగా సంచలనాలు సృష్టిస్తున్నాయి.
ప్రభాస్, తారక్, చరణ్ భవిష్యత్తు సినిమాలపై ఎన్నో అశలు పెట్టుకున్నారు. ప్రభాస్ కల్కి 2898 ఏడీ (Kalki 2898 AD) ఇప్పటికే 700 కోట్ల రూపాయలకు పైగా కలెక్షన్లను సాధించింది. భారీగా పెరిగిన టికెట్ రేట్లు కల్కి 2898 ఏడీ సినిమాకు కలెక్షన్ల పరంగా ప్లస్ అయ్యాయని చెప్పవచ్చు. నార్త్ అమెరికాలో ఈ సినిమా కలెక్షన్ల విషయంలో సరికొత్త రికార్డులు క్రియేట్ చేస్తోంది. హైదరాబాద్ లోని ఏఎంబీ సినిమాస్ లో ఈ సినిమా బుకింగ్స్ పరంగా అదుర్స్ అనిపిస్తోంది.
కల్కి 2898 ఏడీ కలెక్షన్స్ పరంగా అదుర్స్ అనిపిస్తోందని కామెంట్లు వ్యక్తమవుతున్నాయి. ప్రభాస్ రేంజ్, క్రేజ్, ఫ్యాన్ ఫాలోయింగ్ గురించి ఎంత ప్రశంసించినా తక్కువేనని నెటిజన్లు కామెంట్లు చేస్తున్నారు. టాలీవుడ్ స్టార్ హీరోలు సినిమాల ఎంపిక విషయంలో తగిన జాగ్రత్తలు తీసుకుంటూ ఇతర ఇండస్ట్రీలలో సైతం ఫ్యాన్స్ ను పెంచుకుంటున్నారు.
Home