మంచు ఫ్యామిలీని సర్ ప్రైజ్ చేసిన ప్రభాస్..!

పుట్టినరోజునాడు బయటకు వెళ్లి 3,4 కేకులు కట్ చేసి ఫ్రెండ్స్ తో పార్టీ చేసుకోవడం అందరికీ అలవాటే.అయితే ఈ లాక్ డౌన్ వల్ల ఎవరి పుట్టినరోజు వచ్చినా సరే ఇంట్లోనే జరుపుకుంటూ వచ్చారు. ఇంట్లో ఉన్న వాళ్ళే సొంతంగా కేకులు తయారు చేసి పుట్టినరోజు జరుపుకుంటున్న వారితో ఆ కేక్ ను కట్ చేయిస్తూ వచ్చారు. సామాన్య ప్రజల దగ్గరనుండీ సెలబ్రిటీల వరకూ అందరూ ఇదే పద్దతిని ఫాలో అవుతూ వచ్చారు. ఇప్పుడు కొన్ని సడలింపులు ఇచ్చినా.. ఎవ్వరూ బయటకు వెళ్లడం లేదు.

పిల్లల్ని కూడా బయటకు పంపడం లేదు. వైరస్ మహమ్మారి భయంకరంగా విజృంభిస్తుంది కాబట్టి అందరూ ఇళ్లల్లో ఉండడానికే ఇష్టపడుతున్నారు. ఇప్పుడు మన మంచు లక్ష్మీ కూడా ఇంట్లోనే ఉండి తన కూతురి బర్త్ డే ను సెలబ్రేట్ చేసింది.ఇటీవల మంచు లక్ష్మీ కూతురు విద్యా నిర్వానా తన ఆరవ పుట్టినరోజు వేడుక‌ని జరుపుకుంది. అయితే ఎప్పటిలాగా తనని బయటకు తీసుకువెళ్లి పుట్టినరోజు జరిపించలేకపోయాను అని మంచు లక్ష్మీ ఫీలయ్యిందట. అయితే ఆ టైములో ప్రభాస్ విద్యా కి స్పెషల్ గిఫ్ట్ ఇచ్చి మంచు లక్ష్మీ ను అలాగే ఆమె కుటుంబ సభ్యులను సర్ ప్రైజ్ చేసాడట.

ఇంతకీ ప్రభాస్ ఇచ్చిన గిఫ్ట్ ఏంటో తెలుసా.. ‘విద్యకు వీడియో కాల్ చెయ్యడమే’ అని మంచు లక్ష్మీ చెప్పుకొచ్చింది. ప్రభాస్ అలా ఫోన్ చేసి విషెస్ చెప్పి కాసేపు మాట్లాడటంతో ‘విద్య చాలా హ్యాపీగా ఫీలయ్యిందని.దాంతో తనని బయటకు తీసుకువెళ్ళలేదు’ అనే బాధ కూడా పోయింది’ అని మంచి లక్ష్మీ చెప్పుకొచ్చింది. తరువాత ‘మంచు ఫ్యామిలీ మెంబెర్స్ అందరితోనూ ప్రభాస్ సరదాగా కాసేపు మాట్లాడినట్టు’ తెలిపింది.

Most Recommended Video

మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!