డిసెంబర్ నెల అనేది ప్రభాస్..కి అలాగే సందీప్ రెడ్డి వంగాకి చాలా కీలకం అని చెప్పాలి. ఎందుకంటే సందీప్ రెడ్డి వంగా డైరెక్ట్ చేసిన ‘యానిమల్’ మూవీ డిసెంబర్ 1 న రిలీజ్ రిలీజ్ కాబోతుంది. అలాగే ప్రభాస్ హీరోగా నటించిన ‘సలార్’ మూవీ డిసెంబర్ 22న రిలీజ్ కానుంది. ఈ రెండు సినిమాలు సక్సెస్ కొట్టాలి. దానికి గల కారణం ఏంటో ఈ పాటికే మీకు అర్థమైపోయి ఉంటుంది.
ప్రభాస్ – సందీప్ రెడ్డి వంగా కాంబినేషన్లో ‘స్పిరిట్’ అనే ప్రాజెక్టు ఉండబోతుందని ఎప్పుడో ప్రకటన వచ్చింది. ‘టి సిరీస్’ వారే ఈ ప్రాజెక్టుని కూడా నిర్మించబోతున్నారు. ఈ సినిమాలో ప్రభాస్ పోలీస్ పాత్రలో కనిపించబోతున్నట్టు టాక్ కూడా ఎక్కువగా వినిపించింది. ప్రభాస్ ఇప్పటివరకు పోలీస్ యూనిఫామ్ లో కనిపించలేదు. అందుకే ‘స్పిరిట్’ ప్రాజెక్టు పై ప్రభాస్ అభిమానుల దృష్టి ఎక్కువగా పడింది అని చెప్పొచ్చు.
అయితే సందీప్ రెడ్డి వంగా.. ఇప్పటివరకు ‘అర్జున్ రెడ్డి’ వంటి టిపికల్ లవ్ స్టోరీనే రెండు సార్లు తీశాడు. తొలిసారి ‘యానిమల్’ అనే యాక్షన్ మూవీని రూపొందిస్తున్నాడు. ఇందులో ఫాదర్ సెంటిమెంట్ కూడా ఉంది. దాని చుట్టూనే కథనం అంతా సాగుతుంది. ఇక ఈ సినిమా ప్రమోషన్స్ లో ‘స్పిరిట్’ ఎప్పటి నుండి స్టార్ట్ అవుతుంది అనే ప్రశ్న సందీప్ రెడ్డి వంగాకి ఎదురైంది.
దానికి అతను ‘వచ్చే సెప్టెంబర్ నుండి ‘స్పిరిట్’ షూటింగ్ ప్రారంభమవుతుంది’ అని తెలిపాడు. సో 2024 ‘స్పిరిట్’ రిలీజ్ అవ్వడం కష్టం. 2025 లోనే ఆ సినిమా రిలీజ్ అవుతుంది. అలాగే (Prabhas) ప్రభాస్ 25 వ సినిమా కూడా అదే ఏడాది మొదలుకాబోతుంది అని టాక్.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
