‘బాహుబలి’ సినిమా కోసం ప్రభాస్ బాగా కండలు పెంచిన సంగతి తెలిసిందే. ‘బాహుబలి ది బిగినింగ్’తో పోల్చుకుంటే రెండో భాగం క్లైమాక్స్ లో ప్రభాస్ తన ఫిజిక్ తో ఆకట్టుకున్నాడు. యాక్షన్ సీన్స్ లో ప్రభాస్ కండలు తిరిగిన దేహం స్పెషల్ ఎట్రాక్షన్ గా నిలిచింది. ఆ తరువాత ‘సాహో’ సినిమాలో ఓ సీన్ లో చొక్కా చింపుకుంటూ తన కండలను చూపించాడు. ఆ సీన్ లో ప్రభాస్ హల్క్ లా ఉన్నాడంటూ కామెంట్స్ చేస్తూ ఫ్యాన్స్ మురిసిపోయారు.
ఇప్పుడు మరోసారి ప్రభాస్ తన కండలు, సిక్స్ ప్యాక్ బాడీను చూపించబోతున్నాడు. ప్రశాంత్ నీల్ దర్శకత్వంలో ప్రభాస్ ‘సలార్’ సినిమాలో నటిస్తోన్న సంగతి తెలిసిందే. ఈ సినిమాలో కీలకమైన ఓ యాక్షన్ ఎపిసోడ్ లో ప్రభాస్ షర్ట్ లేకుండా కనిపించబోతున్నాడు. తన సిక్స్ ప్యాక్ బాడీను చూపించబోతున్నాడు. దీనికోసం త్వరలోనే ప్రభాస్ సిద్ధం కానున్నారని తెలుస్తోంది. ‘సలార్’ సినిమాను పూర్తి యాక్షన్ సినిమాగా రూపొందించబోతున్నారు.
ఇందులో ప్రభాస్ గ్యాంగ్ స్టర్ గా కనిపించబోతున్నాడు. ఈ పాత్రకు సంబంధించిన లుక్ ఇప్పటికే బయటకొచ్చింది. అయితే దానికి పూర్తి భిన్నమైన లుక్ సినిమాలో ఉంటుందని.. అదే ఈ సిక్స్ ప్యాక్ లుక్ అని యూనిట్ జనాలు చెబుతున్నారు. ఈ సినిమాను వచ్చే ఏడాది ఏప్రిల్ లో విడుదల చేయనున్నారు. లాక్ డౌన్ కారణంగా షూటింగ్ ఆలస్యమవుతున్నప్పటికీ.. చెప్పిన టైమ్ కి సినిమాను రిలీజ్ చేస్తామని చెబుతున్నారు మేకర్లు.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
Home