ప్రభాస్-హృతిక్.. భారీ యాక్షన్ ఎంటర్టైనర్!

పాన్ ఇండియా స్టార్ గా మారిన ప్రభాస్ తో సినిమాలు చేయడానికి దర్శకనిర్మాతలు ఎగబడుతున్నారు. ఇప్పటికే ‘ఆదిపురుష్’ సినిమాతో నేరుగా బాలీవుడ్ లోకి ఎంట్రీ ఇస్తున్నాడు ప్రభాస్. ఓం రౌత్ డైరెక్ట్ చేస్తోన్న ఈ సినిమాని భూషణ్ కుమార్ లాంటి స్టార్ ప్రొడ్యూసర్ నిర్మిస్తున్నారు. మరోపక్క కరణ్ జోహార్, ఆదిత్య చోప్రా లాంటి అగ్ర నిర్మాతలు ప్రభాస్ తో సినిమా చేయడానికి ప్రయత్నిస్తున్నట్లు వార్తలొస్తున్నాయి. వీరిలో ఆదిత్య చోప్రా.. ప్రభాస్ నుండి కమిట్మెంట్ తీసుకున్నాడని..

ఓ సంచలన మల్టీస్టారర్ సినిమాకి అతడు రంగం సిద్ధం చేస్తున్నాడని ప్రచారం జోరుగా సాగుతుంది. ప్రభాస్ 24వ చిత్రంగా తెరకెక్కబోయే ఈ ప్రాజెక్ట్ గురించి సోషల్ మీడియాలో చర్చలు జరుగుతున్నాయి. ప్రభాస్-హృతిక్ కాంబినేషన్ లో ఓ భారీ మల్టీస్టారర్ సినిమా తీయాలని ఆదిత్య చోప్రా నిర్ణయించుకున్నాడని.. ఇప్పటికే తన బ్యానర్ యష్ రాజ్ ఫిలిమ్స్ ఈ సినిమాకి సంబంధించి సన్నాహాలు చేస్తున్నట్లు సమాచారం. గతంలో హృతిక్, టైగర్ ష్రాఫ్ లతో ‘వార్’ అనే భారీ యాక్షన్ సినిమా తీసిన సిద్ధార్థ్ ఆనంద్ ఈ క్రేజీ మల్టీస్టారర్ ని డైరెక్ట్ చేస్తాడని తెలుస్తోంది.

ప్రస్తుతం సిద్ధార్థ్ ఆనంద్.. షారుఖ్ ఖాన్ హీరోగా ‘పఠాన్’ అనే సినిమా తీస్తున్నాడు. ఈ సినిమా రిలీజైన తరువాత దర్శకుడిగా అతడి స్థాయి మరింత పెరుగుతుందని అంచనా వేస్తున్నారు. అలానే ప్రభాస్ తన తదుపరి ప్రాజెక్ట్ లతో తన రేంజ్ మరింత పెంచుకోవడం గ్యారంటీ. ఇక హృతిక్ క్రేజ్ గురించి ప్రత్యేకంగా చెప్పనక్కర్లేదు. అలాంటిది ఈ ముగ్గురి కాంబినేషన్ లో భారీ యాక్షన్ ఎంటర్టైనర్ అంటే రికార్డులు బద్దలవ్వడం ఖాయం.

Most Recommended Video

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!