స్టార్ హీరో ప్రభాస్ (Prabhas) మరో మూడేళ్ల వరకు కెరీర్ పరంగా బిజీ అనే సంగతి తెలిసిందే. ప్రభాస్ తో సినిమాను తెరకెక్కించడానికి చాలామంది దర్శకులు ఛాన్స్ కోసం ఆసక్తిగా ఎదురుచూస్తున్నారు. ప్రభాస్ సినిమాలకు సులువుగా 400 కోట్ల రూపాయల నుంచి 500 కోట్ల రూపాయల రేంజ్ లో బిజినెస్ జరుగుతోంది. ప్రభాస్ సినిమాకు పాజిటివ్ టాక్ వస్తే ఏ రేంజ్ లో కలెక్షన్లు వస్తాయో ఇప్పటికే బాహుబలి2 (Baahubali2) , సలార్ (Salaar) సినిమాలు ప్రూవ్ చేశాయి.
అయితే ప్రభాస్ హీరోగా తన డైరెక్షన్ లో సినిమా చేయాలని స్టార్ హీరో విశాల్ (Vishal) సైతం ఆశ పడుతున్నారు. రత్నం (Rathnam) సినిమా ప్రమోషన్స్ లో భాగంగా విశాల్ వెల్లడించిన విషయాలు నెట్టింట వైరల్ అవుతున్నాయి. డిటెక్టివ్ సినిమాకు సీక్వెల్ ఉంటుందని డిటెక్టివ్ సీక్వెల్ కు కూడా తానే డైరెక్టర్ అని ఆయన వెల్లడించారు. స్టార్ హీరో ప్రభాస్ తో తన డైరెక్షన్ లో ఒక సినిమా తీస్తానని ఆయన అన్నారు. స్టార్ హీరో ప్రభాస్ అంటే యాక్షన్ సినిమాలు చేస్తారని అయితే ప్రభాస్ డార్లింగ్ (Darling) లాంటి లవ్ సినిమాలు కూడా చేస్తాడని తెలుసని విశాల్ పేర్కొన్నారు.
తాను మాత్రం ప్రభాస్ తో కొత్త జానర్ లో సినిమా చేస్తానని విశాల్ కామెంట్లు చేయడం గమనార్హం. అయితే ప్రభాస్ విశాల్ కు డైరెక్షన్ ఛాన్స్ ఇవ్వడం సులువు కాదని కామెంట్లు వ్యక్తమవుతున్నాయి. ప్రభాస్ విశాల్ కాంబోలో సినిమా రావడం సులువు కాదని ఫ్యాన్స్ చెబుతున్నారు. ప్రభాస్ కెరీర్ విషయానికి వస్తే కల్కి 2898 ఏడీ (Kalki 2898 AD) విడుదలైతే మాత్రమే ప్రభాస్ తర్వాత సినిమాల అప్ డేట్స్ రానున్నాయి.
ప్రభాస్ బరువు తగ్గి ప్రస్తుతం సరికొత్త లుక్ లో కనిపిస్తున్నారు. ప్రభాస్ త్వరలో మరిన్ని కొత్త ప్రాజెక్ట్ లను ప్రకటించే ఛాన్స్ ఉంది. టాలీవుడ్ ఇండస్ట్రీలోని అన్ని టాప్ బ్యానర్లలో ప్రభాస్ నటిస్తున్నారు. ప్రభాస్ త్రివిక్రమ్ (Trivikram) కాంబినేషన్ లో సినిమా రావాలని అభిమానులు కోరుకుంటుండగా ఈ కాంబోలో సినిమాకు సంబంధించి ఎప్పుడు ప్రకటన వస్తుందో చూడాల్సి ఉంది. ప్రభాస్ రాజమౌళి (S. S. Rajamouli) కాంబోలో బాహుబలి3 రావాలని ఫ్యాన్స్ భావిస్తున్నారు.
