ప్రభాస్ సందీప్ రెడ్డి వంగా కాంబోలో ఒక సినిమా తెరకెక్కుతుండగా ఆ సినిమాకు స్పిరిట్ అనే టైటిల్ ఫిక్స్ అయింది. సందీప్ రెడ్డి వంగా రివీల్ చేయకపోయినా ఆయన సన్నిహితుల ద్వారా స్పిరిట్ సినిమాకు సంబంధించిన ఆసక్తికర విషయాలు వెలుగులోకి వచ్చాయి. స్పిరిట్ సినిమాలో ప్రభాస్ మధ్య తరగతి కుటుంబానికి చెందిన వ్యక్తిగా కనిపించనున్నారని సమాచారం అందుతోంది. డ్యూటీనే ఎమోషన్ గా బ్రతికే పోలీస్ గా ప్రభాస్ కనిపిస్తారట. డ్యూటీ విషయంలో హద్దులు దాటిన కమిట్మెంట్ ఉన్న పాత్రలో ప్రభాస్ కనిపించనున్నారని భోగట్టా.
సందీప్ సినిమాలలోని హీరోల పాత్రలు సాధారణంగా రిచ్ గా ఉంటాయి. అయితే ఈ సినిమా విషయంలో మాత్రం సందీప్ రూట్ మార్చారు. ప్రభాస్ వచ్చే ఏడాది సెప్టెంబర్ సమయానికి ప్రస్తుతం నటిస్తున్న సినిమాల షూటింగ్ ను పూర్తి చేయనున్నారని ఇండస్ట్రీ వర్గాల్లో వినిపిస్తోంది. స్పిరిట్ మూవీ బడ్జెట్ విషయంలో కూడా లిమిట్స్ లేవని తెలుస్తోంది. యానిమల్ మూవీ 200 కోట్ల రూపాయల బడ్జెట్ తో తెరకెక్కగా 500 కోట్ల రూపాయల రేంజ్ లో బిజినెస్ జరిగింది.
నాన్ థియేట్రికల్ హక్కులతోనే ఈ సినిమాకు (Spirit) సంబంధించి 70 శాతం రికవరీ అయిందని తెలుస్తోంది. స్పిరిట్ సినిమా ఒక భాగంగా తెరకెక్కుతుందా లేక రెండు భాగాలుగా తెరకెక్కుతుందా అనే ప్రశ్నలకు జవాబు దొరకాల్సి ఉంది. ప్రభాస్ వరుస సినిమాలతో బిజీగా ఉండగా ఏ సినిమా ఎప్పుడు రిలీజవుతుందో క్లారిటీ రావాల్సి ఉంది.
మరికొన్ని గంటల్లో ప్రభాస్ సలార్ సినిమా నుంచి ట్రైలర్ రిలీజ్ కానుండగా ఈ ట్రైలర్ కు ఎలాంటి రెస్పాన్స్ వస్తుందో చూడాల్సి ఉంది. ప్రభాస్ రాబోయే రోజుల్లో మరిన్ని భారీ రేంజ్ హిట్లను సొంతం చేసుకోవాలని ఫ్యాన్స్ భావిస్తున్నారు. ప్రభాస్ క్రేజ్ అంతకంతకూ పెరుగుతోందే తప్ప తగ్గడం లేదు.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
Home