గతేడాది సుకుమార్ (Sukumar) శిష్యులు వండర్స్ క్రియేట్ చేసిన సంగతి తెలిసిందే. ‘విరూపాక్ష’ (Virupaksha) తో కార్తీక్ దండు (Karthik Varma Dandu), ‘దసరా’ (Dasara) తో శ్రీకాంత్ ఓదెల (Srikanth Odela) .. బ్లాక్ బస్టర్స్ కొట్టారు. ఆయనలానే ఆయన శిష్యులు కూడా చాలా షార్ప్ అని ప్రూవ్ చేశారు. వాళ్ళు మాత్రమే కాదు అంతకు ముందు ‘ఉప్పెన’ (Uppena) తో బుచ్చిబాబు (Buchi Babu Sana) , ‘కుమారి 21 ఎఫ్’ తో పలనాటి సూర్య ప్రతాప్ కూడా బ్లాక్ బస్టర్స్ అందుకున్నారు. ఇప్పుడు మరో సుకుమార్ శిష్యుడు దర్శకుడిగా ఎంట్రీ ఇవ్వబోతున్నాడు.
సుహాస్ (Suhas) హీరోగా తెరకెక్కిన ‘ప్రసన్నవదనం’ (Prasanna Vadanam ) అనే సినిమా మే 3న రిలీజ్ కాబోతోంది. అర్జున్ వై కె ఈ చిత్రానికి దర్శకుడు. ఇతను కూడా సుకుమార్ శిష్యుడే కావడం విశేషం. ఇదిలా ఉండగా.. తాజాగా ‘ప్రసన్నవదనం’ ట్రైలర్ రిలీజ్ అయ్యింది. 2 నిమిషాల 17 సెకన్ల నిడివి కలిగిన ఈ ట్రైలర్లో సస్పెన్స్ అండ్ థ్రిల్లింగ్ ఎలిమెంట్స్ ఉన్నాయి. ఫేస్ బ్లైండ్ నెస్ సమస్యతో బాధపడే సూర్య అనే పాత్రలో సుహాస్ కనిపిస్తున్నాడు.
ఆ సమస్య వల్ల అతను 3 మర్డర్ కేసులో ఎలా ఇరుక్కున్నాడు? వాటి నుండి ఎలా బయటపడ్డాడు? మధ్యలో లవ్ లైఫ్ ఎలా డిస్టర్బ్ అయ్యింది? వంటి ప్రశ్నలు ఈ ట్రైలర్ లేవనెత్తింది అని చెప్పొచ్చు. ట్రైలర్ ఇంట్రెస్టింగ్ గానే ఉంది. ‘కలర్ ఫోటో’ (Colour Photo) ‘రైటర్ పద్మభూషణ్’ (Writer Padmabhushan) ‘అంబాజీపేట మ్యారేజీ బ్యాండు’ (Ambajipeta Marriage Band) వంటి హిట్లతో సుహాస్ ఫామ్లో ఉన్నాడు కాబట్టి.. ఈ సినిమాకి కూడా మంచి ఓపెనింగ్స్ దక్కొచ్చు.
Home
