యంగ్ టైగర్ జూనియర్ ఎన్టీఆర్, ప్రశాంత్ నీల్ కాంబినేషన్ మూవీ కోసం ఎన్టీఆర్ ఫ్యాన్స్ ఆసక్తిగా ఎదురుచూస్తున్న సంగతి తెలిసిందే. వచ్చే ఏడాది ఈ సినిమా షూటింగ్ ప్రారంభం కానుండగా ఈ సినిమాకు సంబంధించి ఒక వార్త తెగ చక్కర్లు కొడుతోంది. ప్రముఖ నటి వరలక్ష్మీ శరత్ కుమార్ ఈ సినిమాలో నటించనున్నారని ఇండస్ట్రీ వర్గాల్లో వినిపిస్తోంది. అయితే వైరల్ అవుతున్న ఈ వార్తలో నిజానిజాలు తెలియాల్సి ఉంది. వరలక్ష్మీ శరత్ కుమార్ ఈ సినిమాలో నెగిటివ్ షేడ్స్ ఉన్న పాత్రలో నటిస్తారని ప్రచారం జరుగుతోంది.
మరోవైపు ఎన్టీఆర్ ఈ సినిమాలో ద్విపాత్రాభినయం చేయనున్నారని పొలిటికల్ థ్రిల్లర్ గా ఈ సినిమా తెరకెక్కనుందని వార్తలు వస్తున్నాయి. క్రాక్ సినిమాలో జయమ్మ పాత్రతో టాలీవుడ్ ప్రేక్షకుల్లో గుర్తింపును సంపాదించుకున్న వరలక్ష్మి శరత్ కుమార్ కు వరుసగా తెలుగులో వరుసగా అవకాశాలను అందిపుచ్చుకుంటున్నారు. మైత్రీ మూవీ మేకర్స్, ఎన్టీఆర్ ఆర్ట్స్ బ్యానర్ లో ఈ సినిమా తెరకెక్కనుండగా ఈ సినిమాపై ప్రేక్షకుల్లో భారీగా అంచనాలు నెలకొన్నాయి. ఈ సినిమా 150 కోట్ల రూపాయలకు పైగా భారీ బడ్జెట్ తో తెరకెక్కనుందని తెలుస్తోంది.
ఈ సినిమాలో హీరోయిన్ గా పలువురు స్టార్ హీరోయిన్ల పేర్లు వినిపిస్తున్నా ఎవరు ఫైనల్ అవుతారో చూడాల్సి ఉంది. సలార్ సినిమా పూర్తైన వెంటనే ప్రశాంత్ నీల్ ఎన్టీఆర్ సినిమా పనులతో బిజీ కానున్నారు. ఎన్టీఆర్ 31వ సినిమాగా ఈ సినిమా తెరకెక్కనుండగా బాలీవుడ్ హీరోయిన్ ఈ సినిమాలో నటించే అవకాశాలు ఉన్నాయని సమాచారం.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
Home