Priyanka Arul Mohan: పవన్ ఆలోచనలన్నీ వాళ్ల గురించే.. ప్రియాంక కామెంట్స్ వైరల్!

టాలీవుడ్ ఇండస్ట్రీలో వరుసగా ఆఫర్లను సొంతం చేసుకుంటున్న హీరోయిన్లలో ప్రియాంక అరుల్ మోహన్ ఒకరు కాగా ఈ నెల 29వ తేదీన ఈ నటి నటించిన సరిపోదా శనివారం  (Saripodhaa Sanivaaram) మూవీ థియేటర్లలో విడుదల కానుంది. ఓజీ సినిమాలో (OG Movie)  సైతం ప్రియాంక అరుల్ మోహన్ (Priyanka Mohan) హీరోయిన్ గా నటిస్తున్న సంగతి తెలిసిందే. ప్రియాంక వరుస ఇంటర్వ్యూలలో పాల్గొంటూ తను నటిస్తున్న సినిమాలకు సంబంధించిన ఆసక్తికర విషయాలను వెల్లడిస్తున్నారు. ఓజీ సినిమాలో నటించడం పవన్ పక్కన నటించే అవకాశం రావడం నా అదృష్టం అని ప్రియాంక తెలిపారు.

Priyanka Arul Mohan

ఓజీ సినిమాలో ఛాన్స్ ఇచ్చిన దర్శకనిర్మాతలకు ధన్యవాదాలు అని ఆమె కామెంట్లు చేశారు. పవన్ (Pawan Kalyan) , నాని  (Nani)  ఇద్దరూ క్రియేటివ్ గా ఉంటారని ప్రియాంక (Priyanka Arul Mohan) పేర్కొన్నారు. క్రియేటివ్ గా ఉండే విషయంలో ఈ ఇద్దరు హీరోలు సేమ్ అని ప్రియాంక వెల్లడించారు. నాని సినిమాల గురించి ఎప్పుడూ కలలు కంటారని పవన్ ఎప్పుడూ ప్రజల గురించి ఆలోచిస్తుంటారని ఆమె పేర్కొన్నారు. మరోవైపు నాని మాట్లాడుతూ పవన్ ప్రజల్లోకి వెళ్లడం కోసమే సినిమాల్లోకి వచ్చారేమో అని వెల్లడించారు.

ఓజీ ప్రస్తుతం సోషల్ మీడియాలో ట్రెండింగ్ అవుతుండటం గమనార్హం. ఓజీ మూవీ అత్యంత భారీ బడ్జెట్ తో తెరకెక్కుతోందని తెలుస్తోంది. ప్రముఖ దర్శకుడు సుజీత్ ఈ సినిమాకు దర్శకత్వం వహిస్తున్నారు. ఈ సినిమాకు సంబంధించిన మెజారిటీ సన్నివేశాల షూటింగ్ ఇప్పటికే పూర్తైంది. పవన్ డేట్లు కేటాయిస్తే శరవేగంగా ఈ సినిమా షూట్ పూర్తయ్యే అవకాశాలు అయితే ఉన్నాయి.

ఓజీ సినిమాలో పవన్ కళ్యాణ్ లుక్స్ చాలా బాగున్నాయని ఫ్యాన్స్ కామెంట్లు చేస్తున్నారు. ఓజీ మూవీ పాన్ ఇండియా మూవీగా రిలీజ్ కానుండటం గమనార్హం. ఓజీ 2025 సంవత్సరంలో విడుదలయ్యే ఛాన్స్ ఉండగా ఈ సినిమా బాక్సాఫీస్ వద్ద ఎలాంటి రెస్పాన్స్ ను సొంతం చేసుకుంటుందో చూడాల్సి ఉంది.

చైశోభిత వైవాహిక బంధం అలా ఉంటుంది.. ఆ జ్యోతిష్కుడు ఏమన్నారంటే?