నార్త్ లో ప్రభాస్ కి భీభత్సమైన క్రేజ్ ఉంది. ‘బాహుబలి’ తో హిందీలో కూడా స్టార్ డం సంపాదించుకున్నాడు ప్రభాస్. ఆ తర్వాత వచ్చిన ‘సాహో’ ‘సలార్’ సినిమాలు కూడా అతని హిందీ మార్కెట్ ని బలపరిచాయి అని చెప్పవచ్చు. ప్రభాస్..లానే ‘పుష్ప’ తో హిందీలో మంచి మార్కెట్ ఏర్పరుచుకున్నాడు అల్లు అర్జున్.’పుష్ప 2′ పై హిందీలో కూడా భారీ అంచనాలు ఏర్పడ్డాయి. ఈ హీరోల సినిమాలు భవిష్యత్తులో అక్కడి స్టార్ హీరోలతో పోటీ పడటం ఖాయం.
అలాగే హిందీ జనాలు సౌత్ సినిమాలపై మోజు పెంచుకున్నారు.’కార్తికేయ 2′ ‘హనుమాన్’ వంటి సినిమాలు అక్కడ కూడా ఘన విజయం సాధించిన సంగతి తెలిసిందే. అందుకే తెలుగులో సూపర్ హిట్ అయిన ‘బేబీ’ ని హిందీలో కూడా రీమేక్ చేయడానికి రెడీ అయ్యాడు నిర్మాత ఎస్.కె.ఎన్. అక్కడి స్టార్ల వారసులతో ‘బేబీ’ రీమేక్ ను రూపొందించాలి అనే ప్రయత్నాలు మొదలుపెట్టాడు.
సాయి రాజేషే.. హిందీ రీమేక్ ను కూడా డైరెక్ట్ చేయబోతున్నాడు అని ఎస్.కె.ఎన్ తెలిపాడు. ఈ సందర్భంగా ‘అల్లు అర్జున్ కి హిందీలో మంచి ఫ్యాన్ ఫాలోయింగ్, మార్కెట్ ఉన్నాయి కాబట్టి ‘బేబీ’ హిందీ రీమేక్ ప్రమోషన్స్ కోసం అతన్ని వాడే అవకాశం ఉందా?’ ‘ అన్ని ఓ రిపోర్టర్ ఎస్.కె.ఎన్ ను ప్రశ్నించాడు.
అందుకు (SKN) ఎస్.కె.ఎన్.. ‘అల్లు అర్జున్ మాత్రమే కాదు, మా ఫ్రెండ్ మారుతీతో సినిమా చేస్తున్నారు కాబట్టి ప్రభాస్ గారు కూడా ‘బేబీ’ హిందీ రీమేక్ ను ప్రమోట్ చేస్తారు’ అంటూ ఎస్.కె.ఎన్ చెప్పుకొచ్చాడు. ఇక ‘బేబీ’ హిందీ రీమేక్ కోసం ‘కల్ట్’ అనే టైటిల్ ను అనుకుంటున్నట్టు కూడా ఎస్.కె.ఎన్ చెప్పుకొచ్చాడు.
అంబాజీపేట మ్యారేజ్ బ్యాండ్ సినిమా రివ్యూ & రేటింగ్!
మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్‌కట్ బాలరాజు సినిమా రివ్యూ & రేటింగ్!
Home