పవన్, త్రివిక్రమ్ మూవీ ఆడియో రిలీజ్ డేట్ ఫిక్స్!

డైరక్టర్ త్రివిక్రమ్ శ్రీనివాస్ తో పవర్ స్టార్ పవన్ కళ్యాణ్ చేస్తున్న సినిమా షూటింగ్ వేగంగా జరుగుతోంది .   పవన్ సాఫ్ట్ వేర్ ఇంజినీర్ గా నటిస్తున్న ఈ మూవీలో హీరోయిన్లుగా అను ఇమ్మానియేల్, కీర్తి సురేష్ నటిస్తున్నారు. వీరి ముగ్గురిపై కొన్ని రొమాంటిక్ సీన్లు, సాంగ్స్ తెరకెక్కించడానికి ప్రస్తుతం టీమ్ మొత్తం  బల్గేరియాలో ఉంది. త్రివిక్రమ్ పుట్టినరోజు సంధర్బంగా ఈనెల  7 న రిలీజ్ చేసిన  “బైటి కొచ్చి చూస్తే..” అనే పాట  సినిమాపై అంచనాలను మరింత పెంచింది. అనిరుద్ రవిచంద్రన్ కంపోజ్ చేసిన అన్ని పాటలను వినేందుకు పవన్ ఫ్యాన్స్ ఎదురుచూస్తున్నారు.

వారికో శుభవార్త ఈ సినిమా ఆడియో రిలీజ్ వేడుకను డిసెంబర్ 14న నిర్వహించాలని చిత్ర బృందం అనుకుంటోంది. పవన్, త్రివిక్రమ్ హైదరాబాద్ కి రాగానే ఈ డేట్ పై తుది నిర్ణయం తీసుకోనున్నారు. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీలో సీనియర్ నటి కుష్బూ కీలకరోల్ పోషిస్తోంది. విక్టరీ వెంకటేష్ గెస్ట్ రోల్ చేస్తున్నారు. అజ్ఞాత వాసి అనే  టైటిల్ అనుకుంటున్న ఈ చిత్రాన్ని సంక్రాంతి కానుకగా జనవరి 10న  రిలీజ్ చేయనున్నారు.