Puneeth Rajkumar: తండ్రి నుంచి కొడుకుల వరకు సేమ్ టు సేమ్!

October 30, 2021 / 11:45 AM ISTByFilmy Focus

Join Us

Puneeth Rajkumar: తండ్రి నుంచి కొడుకుల వరకు సేమ్ టు సేమ్!

కన్నడ సూపర్ స్టార్ పునీత్ రాజ్ కుమార్ కుటుంబాన్ని హార్ట్ ఎటాక్స్ వెంటాడుతున్నాయనిపిస్తోంది. ప్రముఖ హీరో, పునీత్ తండ్రి రాజ్ కుమార్ గుండెపోటుతోనే చనిపోయారు. అలానే ఆయన సోదరుడు, స్టార్ హీరో శివరాజ్ కుమార్ గతంలో గుండెపోటుతోనే చావు అంచులవరకు వెళ్లొచ్చారు. ఎక్కువ వర్కవుట్లు చేయడం వలనే శివరాజ్ కుమార్ కి గుండెపోటు వచ్చినట్లు డాక్టర్లు చెప్పారు. దీంతో ఆయన వ్యాయామం చేయడం కాస్త తగ్గించారు. ఇప్పుడు అదే కారణంతో పునీత్ రాజ్ కుమార్ మరణించడం బాధాకరం.

పునీత్ రాజ్ కుమార్ తండ్రి 77 ఏళ్ల వయసులో గుండెపోటుతో కన్నుమూశారు. ఇక 54 ఏళ్ల వయసులో జిమ్ లో కసరత్తులు చేస్తుండగా.. పునీత్ సోదరుడు శివరాజ్ కుమార్ కు అకస్మాత్తుగా హార్ట్ ఎటాక్ వచ్చింది. దీంతో ఆయనను వెంటనే బెంగుళూరులో హాస్పిటల్ కు తరలించి ట్రీట్మెంట్ అందించారు. సకాలంలో ఆయనకు వైద్యం అందండతో ప్రమాదం తప్పింది. ఆ తరువాత నుంచి ఆయన జిమ్ చేయడం తగ్గించారు. కానీ పునీత్ రాజ్ కుమార్ మాత్రం ఎక్కువ సమయంలో జిమ్ లోనే గడుపుతున్నారని తెలుస్తోంది.

జిమ్ లోనే కాదు.. షూటింగ్ కోసం ఎక్కడకి వెళ్లినా.. వర్కవుట్స్ మాత్రం వదలరట. ఫిట్ నెస్ కి ఎక్కువ ప్రాధాన్యతనిస్తారు. తాజాగా అయన ‘జేమ్స్’ అనే సినిమాకి సైన్ చేశారు. ఇందులో బాడీ బిల్డర్ గా కనిపించబోతున్నారు. దీనికోసం బాడీ బిల్డర్ గా తనను తాను మేకోవర్ చేసుకోవడానికి జిమ్ లో ఎక్కువగా ఎక్స్‌ర్‌సైజులు చేస్తున్నారట. శుక్రవారం ఉదయం వర్కవుట్ చేస్తూ.. సడెన్ గా అపస్మారకస్థితిలోకి వెళ్లిపోయారు. వెంటనే ఆయన్ను హాస్పిటల్ కి తరలించారు. కానీ ఫలితం లేకుండా పోయింది.