పూరికి బాలయ్య దగ్గర అంత చనువు ఉందా?

నేడు బాలకృష్ణ తన 60వ పుట్టిన రోజు ఘనంగా జరుపుకుంటున్నారు. చిత్ర పరిశ్రమ ప్రముఖులు, అభిమానులు మరియు కుటుంబ సభ్యులు ఆయనకు పుట్టిన రోజు శుభాకాంక్షలు చెవుతున్నారు. ఆయన ఆయురారోగ్యాలతో బాగుండాలని కోరుకుంటున్నారు. సోషల్ మీడియా వేదికగా ఆయనపై తమ అభిమానాన్ని శుభాకాంక్షల రూపంలో తెలియజేస్తున్నారు. బాలయ్యకు శుభాకాంక్షలు చెప్పిన ప్రముఖులలో మెగాస్టార్ చిరంజీవి, జూనియర్ ఎన్టీఆర్ కూడా ఉన్నారు. కాగా దర్శకుడు పూరి జగన్నాధ్ కూడా బాలకృష్ణకు పుట్టిన రోజు శుభాకాంక్షలు చెప్పారు.

ఆయన సినిమాల వలే ఆయన విషెష్ కూడా కొంచెం భిన్నంగా ఉన్నాయి. వర్మ స్కూల్ నుండి వచ్చిన పూరిలో కూడా చాల వరకు ఆ లక్షణాలు కనిపిస్తాయి. పూరి జగన్నాధ్ బాలయ్యకు శుభాకాంక్షలు తెలుపుతూ ఇలా ట్వీట్ చేశారు…”బాల మీరు ఎప్పుడూ ఇలాగే ఉండాలని కోరుకుంటూ జన్మదిన శుభాకాంక్షలు. కోకో కోలా పెప్సీ బాలయ్య బాబు సెక్సీ..” అని ట్వీట్ చేశారు. బాలయ్య కంటే పెద్దవారు, అత్యంత సన్నిహితులు కూడా బాలకృష్ణను బాల అని పిలవరు.

ఆయన దగ్గర ఆ మాత్రం చనువు ఉన్నవారు చాలా తక్కువమంది ఉన్నారు. మరి ఒక్క సినిమాతో పూరికి బాలయ్య అంత ఆప్తుడు ఎలా అయ్యాడో కానీ, బాలా అంటూ ప్రేమగా బర్త్ డే విషెష్ చెప్పారు. ఇక 2017లో వీరిద్దరి కాంబినేషన్ లో పైసా వసూల్ అనే చిత్రం వచ్చింది. ఈ మూవీ ఆశించిన ఫలితం అయితే ఇవ్వలేదు. అయినప్పటికీ పూరి బాలయ్యను కొత్తగా ఆవిష్కరించారని ఫ్యాన్స్ హ్యాపీగా ఫీలయ్యారు. ఇక బాలయ్య కొడుకు మోక్షజ్ఞను లాంచ్ చేసే అవకాశం ఉన్న దర్శకులలో పూరి కూడా ఉన్నారు.

Most Recommended Video

మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!