Raakaasaa Review in Telugu: రాక‌స సినిమా రివ్యూ & రేటింగ్!

కానీ బాల‌రాజు బ‌దులు వీర కోట‌లోకి వెళ్లాల్సిన ప‌రిస్థితి వ‌స్తుంది. అలా ఎందుకు జ‌రిగింది? రాక‌వ‌నం ఊరిని వెంటాడుతున్న ఆ రాక్ష‌సుడి క‌థేమిటి? ఆ కోట‌లోకి అడుగుపెట్టిన వీర‌కు ఎలాంటి భ‌యాన‌క అనుభ‌వాలు ఎదుర‌య్యాయి? వీరను వెతుక్కుంటూ కోట‌లోకి వ‌చ్చిన సుబ్బ‌ల‌క్ష్మి (న‌య‌న్ సారిక‌) ఎవ‌రు? చ‌నిపోయాడ‌ని అనుకున్న సోము ఆ కోట‌లో ఎందుకు ఉన్నాడు? రాక్ష‌సుడి బారి నుంచి త‌ప్పించుకొని వీర‌, సుబ్బ‌ల‌క్ష్మి కోట బ‌య‌ట అడుగుపెట్టారా? లేదా? అన్న‌దే రాకస మూవీ క‌థ‌.

న‌టీన‌టుల ప‌నితీరు: వీర పాత్ర‌లో సంగీత్‌ శోభ‌న్ అద‌ర‌గొట్టేశాడు. త‌న‌ కామెడీ టైమింగ్‌, పంచ్‌ల‌తో స్టార్టింగ్ నుంచి చివ‌రి వ‌ర‌కు న‌వ్వించాడు. ఎన‌ర్జిటిక్ ప‌ర్ఫార్మెన్స్‌తో ఆక‌ట్టుకున్నాడు. న‌య‌న్ సారిక న‌ట‌న ఓకే. ఓ పాట‌లో హీరోతో ఆమె కెమిస్ట్రీ బాగుంది. హీరోతో స‌మానంగా ఫుల్‌లెంగ్త్ పాత్ర‌లో గెట‌ప్ శీను క‌నిపించాడు. సంగీత్ శోభ‌న్‌తో పోటీప‌డి కామెడీని పండించాడు. వెన్నెల‌కిషోర్ క్యారెక్ట‌ర్ సెకండాఫ్‌లో ఎంట్రీ ఇస్తుంది. కామెడీ విష‌యంలో అత‌డి క్యారెక్ట‌ర్ తేలిపోయింది. రోహిణి, త‌నికెళ్ల భ‌ర‌ణి, ఆశీష్ విద్యార్థి, బ్ర‌హ్మాజీతో పాటు మిగిలిన వారు త‌మ ప‌రిధుల మేర ఆక‌ట్టుకున్నారు.

సాంకేతిక వ‌ర్గం ప‌నితీరు: మాన‌స శ‌ర్మ డైరెక్ట‌ర్‌గా కంటే రైట‌ర్‌గా ఎక్కువ‌గా మెప్పించింది. డైరెక్ష‌న్ విష‌యంలో ఆమెలో సెకండాఫ్ సిండ్రోమ్ కొంత క‌నిపించింది. చిన్న సినిమానే అయినా ఎక్క‌డ రాజీ ప‌డ‌కుండా నిహారిక కొణిదెల ఈ సినిమాను నిర్మించారు.అనుదీప్ దేవ్ మ్యూజిక్, రాజు సినిమాటోగ్రాఫీ బాగున్నాయి.

విశ్లేష‌ణ‌: హార‌ర్ కామెడీని మినిమం గ్యారెంటీగా చెబుతుంటారు. మిగిలిన జాన‌ర్స్‌తో పోలిస్తే ఈ క‌థ‌ల‌ స‌క్సెస్ రేటు కాస్త ఎక్కువే. హార‌ర్ కామెడీ సినిమాల‌కు భారీ కాస్టింగ్‌, పెద్ద సెట‌ప్‌లు అవ‌స‌రం లేదు. ఒకే లొకేష‌న్‌లో సినిమా మొత్తాన్ని న‌డిపించే వెసులుబాటు ఉంటుంది. కామెడీ, కాన్సెప్ట్‌ను బాగా రాసుకుంటే చాలు…లాజిక్‌ల‌తో ప‌నిలేకుండా ఈ సినిమాలు ప్రేక్ష‌కుల‌ను మెప్పిస్తాయి.

అలాంటి మంచి సెట‌ప్ రాక‌స‌కు కుదిరింది. సాధార‌ణంగా హార‌ర్ కామెడీ అన‌గానే రివేంజ్ కోసం ఓ పాడుబ‌డ్డ ఇంట్లో ఎదురుచూసే ఆత్మ‌…ఆ బిల్డింగ్‌లోకి హీరో గ్యాంగ్ ఎంట‌ర్‌కావ‌డం.. ఈ క్ర‌మంలో జ‌రిగే డ్రామా చుట్టూ న‌డుస్తుంటాయి. ఈ రొటీన్ ఫార్మెట్‌కు భిన్నంగా రాక‌స క‌థ‌ను రాసుకున్నారు డైరెక్ట‌ర్ మాన‌స శ‌ర్మ‌. ఊరిని ప‌ట్టి పీడించే రాక్ష‌సుడు…అత‌డిని చంపాల‌ని ప్ర‌య‌త్నించి విఫ‌ల‌మైన రాజుల చ‌రిత్ర‌తో సినిమా ఇంట్రెస్టింగ్‌గా ప్రారంభ‌మ‌వుతుంది. మొద‌టే ట్విస్ట్‌ల‌న్ని రివీల్ చేయ‌కుండా కొన్ని దాచేసి హీరో క్యారెక్ట‌ర్‌ను స్క్రీన్‌పైకి తీసుకొచ్చి కామెడీలోకి క‌థ‌ను షిప్ట్ చేశారు. త‌న‌కు సంబంధంలేని విష‌యాల్లో క‌లుగ‌జేసుకుంటూ హీరో ఇబ్బందులు ప‌డే సీన్స్ నుంచి ఫ‌స్ట్ హాఫ్‌లో చ‌క్క‌టి ఫ‌న్ జ‌న‌రేట్ అయ్యింది.

ఈ సీన్ల‌లో సంగీత్ శోభ‌న్ వ‌న్ లైన‌ర్స్ బాగా పేలాయి. అత‌డికి గెట‌ప్ శీను తోడ‌వ్వ‌డం కూడా ప్ల‌స్స‌య్యింది. పంచాయితీ ఎపిసోడ్, పోలీసుల ఇంట‌రాగేష‌న్‌తో పాటు మ‌రికొన్ని సీన్స్ బాగా వ‌ర్క‌వుట్ అయ్యాయి. హీరోనే కోట‌లోని రాక్ష‌సుడితో పోరాడుతాడ‌న్న‌ది సినిమా ఆరంభ‌మైన అర‌గంట‌కే ఆడియెన్స్‌కు అర్థ‌మైపోతుంది. అందుకు దారితీసిన ప‌రిస్థితుల‌ను కూడా ఫ‌న్నీగానే చూపించారు డైరెక్ట‌ర్‌. వృద్ధుడిని సేవ్ చేయ‌బోయి హీరోతో పాటు గెట‌ప్ శ్రీను ఇరుక్కునే ఎపిసోడ్ హిలేరియ‌స్‌గా న‌వ్విస్తుంది.

సెకండాఫ్ మొత్తం కోట లోప‌లే నాలుగే పాత్ర‌ల చుట్టే తిరుగుతుంది. రాక్ష‌సుడి బారి నుంచి హీరో అండ్ గ్యాంగ్ త‌ప్పించుకుంటారా? లేదా? అనే టెన్ష‌న్ బిల్డ్ చేశారు. మ‌రోవైపు సీరియ‌స్ సిట్యూవేష‌న్‌లో సంగీత్ శోభ‌న్‌తో పాటు వెన్నెల‌కిషోర్ వేసే పంచ్‌ల‌తో కామెడీ, హార‌ర్ రెండింటిని బ్యాలెన్స్ చేస్తూ చివ‌రి వ‌ర‌కు క‌థ‌ను న‌డిపించారు. ఓ చిన్న ఎమోష‌న‌ల్ సీన్‌తో ఎండ్ చేయ‌డం బాగుంది. ఆ ఎపిసోడ్‌ను ఇంకాస్త డెప్త్‌గా రాసుకుంటే బాగుండేది.

రాక్ష‌సుడితో పాటు కోట తాలూకు చిక్కుముడులు రివీల‌య్యే సీన్ల‌లో ఆస‌క్తి లోపించింది. రాక్ష‌సుడి గురించి ఓ రేంజ్‌లో బిల్డ‌ప్ ఇస్తారు. కానీ కోట లోప‌ల మాత్రం హీరో అండ్ గ్యాప్ స‌ర‌దాగా క‌బుర్లు చెప్పుకుంటూ తిర‌గ‌డం, అయినా వారిని రాక్ష‌సుడు ఏం చేయ‌క‌పోవ‌డం కాస్త‌ సిల్లీగానే అనిపిస్తుంది. హార‌ర్ ఎలిమెంట్స్‌లో ఆశించిన మేర థ్రిల్స్ లేవు. ఫ‌స్ట్ హాఫ్‌లో ఉన్న కామెడీ టెంపో సెకండాఫ్‌లో కొంత మిస్స‌యిన ఫీలింగ్ క‌లుగుతుంది.

ఫోక‌స్ పాయింట్‌: రాక‌స న‌వ్విస్తూనే భ‌య‌పెట్టే టైమ్‌పాస్ హార‌ర్ కామెడీ మూవీ.

రేటింగ్‌: 3/5

Click Here To Read in ENGLISH