టాలీవుడ్‌, బాలీవుడ్‌… ఇలా ఏ వుడ్‌ అయినా కాంబినేషన్‌ని మించిన సెంటిమెంట్ ఇంకొకటి ఉండదు. హీరో – హీరోయిన్‌, హీరో – డైరక్టర్‌, హీరోయిన్‌ – డైరక్టర్‌… ఇలా కాంబినేషన్ల లెక్కలు మాట్లాడుతూనే ఉంటారు. ఒకప్పటి లా కాంబినేషన్‌ సినిమాల లెక్క పది దాటకపోయినా, హ్యాట్రిక్‌ అయితే కొడుతున్నాయి. తాజాగా కాంబినేషన్‌ హ్యాట్రిక్‌ కొట్టడానికి సిద్ధమవుతున్నారు గోపీచంద్- రాశీ ఖన్నా. మారుతి దర్శకత్వంలో రూపొందనున్న కొత్త సినిమాలో గోపీచంద్, రాశీ ఖన్నా జట్టుకడుతున్నారని వార్తలు వస్తున్నాయి.
‘జిల్‌’, ‘ఆక్సిజన్‌’ చిత్రాలతో ఇప్పటికే రెండు సార్లు సందడి చేశారు గోపీచంద్ – రాశీ ఖన్నా. ఇప్పుడు ముచ్చటగా మూడోసారి వినోదం పంచబోతున్నారని తెలుస్తోంది. మారుతి దర్శకత్వంలో యూవీ క్రియేషన్స్‌, జీఏ2 ఈ సినిమాను నిర్మించబోతున్నాయి. మరోవైపు రాశీ ఖన్నా, మారుతి ఇప్పటికే ఓ సినిమా కోసం పని చేశారు. ‘ప్రతి రోజూ పండగే’ కోసం ఇద్దరూ పని చేశారు. అలా ఇప్పుడు మారుతి – రాశీకి ఇది రెండో సినిమా. మరి అందులో రాశీని ఏంజెల్‌ ఆర్ణగా చూపించిన మారుతి.. ఇందులో ఎలా చూపిస్తారో చూడాలి.
ఈ సినిమాను మారుతి చాలా వైవిధ్యంగా ప్రకటించిన విషయం తెలిసిందే. కోర్టులో వాదనలు జరుగుతున్నట్లు, మారుతి కొత్త సినిమా వివరాలు ప్రకటించండి అంటూ జడ్జి చెప్పినట్లుగా టీజర్‌ను విడుదల చేసి అనౌన్స్‌మెంట్ ఇచ్చారు. దీంతో ఈ సినిమాలో గోపీచంద్ న్యాయవాదిగా నటిస్తాడని వార్తలొస్తున్నాయి. అలాగే ఇందులో సత్య రాజ్‌ నటించబోతున్నట్లు కూడా గతంలో వార్తలొచ్చాయి. అన్నట్లు ఈ సినిమాకు ‘పక్కా కమర్షియల్‌’ అనే పేరు ప్రచారంలో ఉంది. పేరుకు తగ్గట్టే సినిమా పక్కా కమర్షియల్‌గా ఉండబోతోందట.
Most Recommended Video
వామ్మో.. సుమంత్ ఇన్ని హిట్ సినిమాలను మిస్ చేసుకున్నాడా..!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
ఈ 10 మంది బుల్లితెర సెలబ్రిటీలు 30 ఏళ్ళ వయసొచ్చినా పెళ్లి చేసుకోలేదట..!
Home
