ఆసక్తికరమైన వీడియోని పోస్ట్ చేసిన దర్శకుడు రాధాకృష్ణ..!

November 20, 2020 / 08:15 PM ISTByFilmy Focus

Join Us

ఆసక్తికరమైన వీడియోని పోస్ట్ చేసిన దర్శకుడు రాధాకృష్ణ..!

పాన్ ఇండియన్ స్టార్ ‌ప్రభాస్‌ హీరోగా ‘జిల్‌’ ఫేమ్‌ రాధా కృష్ణకుమార్‌ డైరెక్షన్లో ‘రాధే శ్యామ్‌’ చిత్రం రూపొందుతోన్న సంగతి తెలిసిందే. పీరియాడికల్‌ నేపథ్యంలో సాగే ప్రేమకథగా ఈ చిత్రం రూపొందుతోంది. లాక్ డౌన్ కారణంగా షూటింగ్ ఆగిపోయిన సినిమాల్లో ఇది కూడా ఒకటి. అయితే ఈ మధ్యనే షూటింగ్ లకు అనుమతులు ఇచ్చిన నేపథ్యంలో.. ‘రాధే శ్యామ్’ షూటింగ్ ను తిరిగి ప్రారంభించడమే కాకుండా వేగవంతం కూడా చేశారు. మొన్నటికి మొన్న ఇటలీ వెళ్లి ఓ షెడ్యూల్ ను కూడా పూర్తిచేసుకొచ్చారు ‘రాధే శ్యామ్’ యూనిట్.

ఇప్పటికే 40శాతం షూటింగ్ పూర్తయ్యిందని టాక్.ఇదిలా ఉండగా.. ఈ చిత్రానికి సంబంధించి ఓ ఇంట్రెస్టింగ్ వీడియో ఇప్పుడు సోషల్ మీడియాలో వైరల్ అవుతుంది. ఈ వీడియోని పోస్ట్ చేసింది మరెవరో కాదు.. ‘రాధే శ్యామ్’ డైరెక్టర్ రాధాకృష్ణ.! షూటింగ్లో భాగంగా ఓ సీన్ కు సంబంధించి చిన్న వీడియోను ఈ యంగ్ డైరెక్టర్‌ తన ఇన్‌స్టాగ్రామ్ ఖాతాలో పోస్ట్ చేసాడు. బ్లూ కలర్‌ బ్యాక్ గ్రౌండ్లో ఈ వీడియో ఉండడాన్ని మనం గమనించవచ్చు.

‘నా కెమెరామెన్ తో కలిసి బ్లూ ప్రపంచలోకి వెళుతున్నాను’ అంటూ ఓ క్యాప్షన్‌ కూడా పెట్టాడు దర్శకుడు రాధా కృష్ణ‌. ఈ చిత్రం క్లైమాక్స్ ను ఏకంగా రూ.30కోట్ల భారీ బడ్జెట్ తో తెరకెక్కిస్తున్నట్టు వార్తలు వినిపిస్తున్నాయి. ‘బహుశా దర్శకుడు పోస్ట్ చేసిన వీడియో దానికి సంబంధించినదే అయ్యి ఉంటుంది’ అని కొందరు విశ్లేషకులు అంచనా వేస్తున్నారు.