కాంచన హిందీ రీమేక్ కోసం భారీ క్యాస్టింగ్ ను సెట్ చేసిన లారెన్స్

లారెన్స్ మీద ఆయన చేసే మంచి పనుల వల్ల ఎంత మంచి అభిప్రాయం ఉన్నప్పటికీ.. ఆయన తెరకెక్కించిన తాజా చిత్రం “కాంచన 3″ని మాత్రం కొన్ని వర్గాల ప్రేక్షకులు మినహా పెద్దగా ఎవరికీ నచ్చలేదు. కానీ.. ఆశ్చర్యకరంగా ఆ సినిమా తెలుగు, తమిళ భాషల్లో కలిపి 100 కోట్ల గ్రాస్ వసూలు చేయడం విశేషం. ఇప్పుడు “కాంచన 3” చిత్రాన్ని కన్నడంలో కూడా రిలీజ్ చేసేందుకు సన్నద్ధమవుతున్న లారెన్స్.. ఈలోగా బాలీవుడ్ లో “కాంచన”ను రీమేక్ చేసే పనిలో పడ్డాడు. ప్రభుదేవా తర్వాత బాలీవుడ్ కు పయనమైన కొరియోగ్రాఫర్ టర్నడ్ డైరెక్టర్ లారెన్స్.. తన బాలీవుడ్ ఎంట్రీని మంచి గట్టిగానే ప్లాన్ చేసుకున్నాడు.

• అవెంజర్స్ ఎండ్ గేమ్ సినిమా రివ్యూ కోసం ఇక్కడ క్లిక్ చెయ్యండి 
• జెర్సీ రివ్యూ కోసం ఇక్కడ క్లిక్ చెయ్యండి 
• చిత్రలహరి రివ్యూ కోసం ఇక్కడ క్లిక్ చెయ్యండి 
• మజిలీ రివ్యూ కోసం ఇక్కడ క్లిక్ చెయ్యండి

తొలుత “కాంచన 3” రీమేక్ అంటే ఏదో చిన్న సినిమాగా తీస్తాడనుకొన్నారందరూ. కానీ అందరి అంచనాలను తలకిందులు చేస్తూ.. బాలీవుడ్ లో “లక్ష్మీ బాంబ్”గా రీమేక్ చేస్తున్న లారెన్స్ ఈ చిత్రంలో కథానాయకుడిగా అక్షయ్ కుమార్, కథానాయికగా కైరా అద్వానీని ఎంపిక చేసుకోగా.. తమిళ వెర్షన్ లో శరత్ కుమార్ పోషించిన హిజ్రా పాత్రకు అమితాబ్ ను సంప్రదిస్తున్నట్లు వినికిడి. చూస్తుంటే.. బాలీవుడ్ లో తన పరిచయ చిత్రంతోనే 100 కోట్ల క్లబ్ లో చేరేట్లున్నాడు లారెన్స్ మాస్టర్.