బాలకృష్ణ, క్రిష్ లను అభినందించిన రాజమౌళి

దర్శకధీరుడు ఎస్.ఎస్.రాజమౌళి ఎంత బిజీగా ఉన్నా తెలుగు చిత్రాలను మిస్ కాకుండా చూస్తుంటారు. తన అభిప్రాయాన్ని అభిమానులతో పంచుకుంటుంటారు. అలాగే నటసింహ నందమూరి బాలకృష్ణ నటించిన  వందో చిత్రం గౌతమి పుత్ర శాతకర్ణిని ఈరోజు ఉదయాన్నే చూసి తన ఫీలింగ్స్ ని ట్విట్టర్లో పోస్ట్ చేశారు. ” సాహో బసవతారకమ్మ పుత్ర బాలకృష్ణ.. మహా నటుడు నందమూరి తారకరామారావు గర్వపడేలా ‘శాతకర్ణి’ పాత్రను పోషించారు” అని బాలయ్య నటనకి సెల్యూట్ చేశారు. అలాగే క్రిష్ దర్శకత్వ ప్రతిభను మెచ్చుకోకుండా ఉండలేక పోయారు.

“12  కోట్ల మంది తెలుగు ప్రజల ఆశీస్సులు అంజనీ పుత్రకు ఉన్నాయి. ఇంతటి అద్భుత సినిమాను క్రిష్ 79 రోజులలో తీయడం ఆశ్చర్యకరం. ఆయన నుంచి నేను నేర్చుకోవలసింది ఎంతో ఉంది” అని ఈగోలు పక్కన పెట్టి దర్శకధీరుడు చెప్పారు. “బుర్రా సాయిమాధవ్ కలం శాతకర్ణి కి కత్తి అయింది” అంటూ డైలాగులు పదునుగా ఉన్నాయని తనశైలిలో ట్వీట్ చేశారు. ఎంతో శ్రమించిన శాతకర్ణి చిత్ర బృందాన్ని తెలుగు ప్రజలు కలకాలం గుర్తించుకుంటారని స్పష్టం చేశారు. జక్కన్న అభినందించడంతో క్రిష్ టీమ్ చాలా సంతోష పడింది.

Also, do SUBSCRIBE to our YouTube channel to get latest Tollywood updates.