టాలీవుడ్ జక్కన్న రాజమౌళి – సూపర్ స్టార్ మహేశ్ బాబు కాంబినేషన్లో ఓ మూవీ రాబోతున్న సంగతి తెలిసిందే. అయితే దీనిపై ఇప్పటి వరకు ఎటువంటి అధికారిక అప్డేట్స్ రాలేదు. కానీ ఈ సినిమా గురించి రోజుకో వార్త నెట్టింట్లో చక్కర్లు కొడుతూనే ఉన్నాయి. అయితే తాజాగా ఈ సినిమా గురించి ఓ సర్ప్రైజ్ వార్త బయటకు వచ్చింది. అదేంటంటే.. మహేశ్ బాబు పుట్టినరోజున ఓ బిగ్ అప్డేట్ను మూవీటీమ్ ప్రకటించనుందని ప్రచారం సాగుతోంది.
ఈ నెల 9వ తేదీన మహేశ్ బర్త్డే సందర్భంగా జక్కన్న ఓ సర్ప్రైజ్ ప్లాన్‌ చేశారని తెలిసింది. ఇది తెలుసుకుంటున్న అభిమానులు ఫుల్ ఖుషీ అవుతున్నారు. సినిమాకు సంబంధించిన పూర్తి వివరాలను తెలియజేస్తారని ఇన్ సైడ్ టాక్ వినిపిస్తోంది. ప్రస్తుతం ఈ వార్తను మహేశ్ అభిమానులు నెట్టింట్లో షేర్‌ చేస్తూ తెగ సంబరపడిపోతున్నారు. సినిమా టైటిల్‌ను అనౌన్స్ చేసే అవకాశముందని, లేదంటే చిత్రంలోని మహేశ్ లుక్‌ను రిలీజ్ చేసే ఛాన్స్ ఉందని కామెంట్లు చేస్తున్నారు.
ఇకపోతే ఈ సినిమా ఆఫ్రికా అడవుల నేపథ్యంలో అడ్వెంచర్ కాన్సెప్ట్ తో ఉంటుందని గతంలో రాజమౌళి, ఆయన తండ్రి రచయిత విజయేంద్రప్రసాద్ తెలిపారు. మహేశ్ ఇంటెన్సిటీ ఉన్న యాక్టర్ అని, అలాగే ఈ సినిమా కథ ఎంతో సాహసోపేతమైన కథ అని చెప్పారు. విజయేంద్ర ప్రసాదే సినిమాకు కథను అందిస్తున్నారు. సినిమాను రెండు భాగాలుగా రానుంది. ఇక మహేశ్ బాబు ప్రస్తుతం గుంటూరు కారం సినిమా చేస్తున్నారు.
మాటల మాంత్రికుడు త్రివిక్రమ్‌ సినిమాకు దర్శకత్వం వహిస్తున్నారు. ఈ సినిమా షూటింగ్ ఎన్నో కష్టాలను ఎదుర్కొంటూ ముందుకు సాగుతోంది. మహేశ్కు హీరోయిన్లుగా యంగ్ సెన్సేషనల్ శ్రీలీల, హిట్ ఫేమ్ మీనాక్షి చౌదరి నటిస్తున్నారు. మ్యూజిక్ సెన్సేషన్ తమన్‌ సంగీతం అందిస్తున్నారు. ఇప్పటికే రిలీజైన మహేశ్ (Mahesh) మాస్ పోస్టర్లు సినిమాపై అంచనాలను పెంచాయి.
ఆ హీరోయిన్ ఎంత రెమ్యునరేషన్ తీసుకుంటుందో తెలిస్తే షాక్ అవుతారు..!
‘బ్రో’ ‘బలగం’ తో పాటు చావు కాన్సెప్ట్ తో రూపొందిన 10 సినిమాల లిస్ట్..
హైప్ లేకుండా రిలీజ్ అయిన 10 పెద్ద సినిమాలు… ఎన్ని హిట్టు… ఎన్ని ప్లాప్?
