తెలుగులో ఈ మధ్యనే కొంచం ముల్టీస్టార్ సినిమాలు కూడా వస్తున్నాయి. అయితే ఒక టాప్ డైరెక్టర్, టాప్ హీరోలతో కలసి ఒక సినిమా చేస్తే ఆ క్రేజ్ మాములుగా ఉండదు. అలాంటిదానికే రంగం సిద్ధం చేసాడు డైరెక్టర్ రాజమౌళి. బాహుబలి వంటి సినిమా తరువాత రాజమౌళి ఏ సినిమా ఎవరితో తీస్తాడనే ఆసక్తి అందరిలో ఉండగా, అందరిని సప్రైజ్ చేస్తూ జూనియర్ ఎన్టీయార్, రామ్ చరణ్ లతో మల్టీ స్టార్ సినిమాకి శ్రీకారం చుట్టి మరింత అంచనాలను సినిమా రిలీజ్ కి ముందే పెంచేసాడు. అయితే డైరెక్టర్ రాజమౌళి రామ్ చరణ్ కి మగధీర వంటి ఇండస్ట్రీ హిట్ ఇవ్వగా, ఎన్టీయార్ తో చేసిన వరుస హిట్ సినిమాల గురించి అందరికి తెలిసిందే.
ఇక విషయంలోకి వెళితే, హీరో ప్రభాస్ కి బాహుబలి వంటి సూపర్ సక్సెస్ ని ఇచ్చి ప్రపంచవ్యాప్తంగా ప్రభాస్ కి క్రేజ్ వచ్చేలా చేసాడు డైరెక్టర్ రాజమౌళి. వీరి కాంబినేషన్ లో అంతకుముందు వచ్చిన ఛత్రపతి సినిమా కూడా సూపర్ హిట్ గా నిలిచింది. ఆ సినిమా నుండే వీరిమధ్య స్నేహం అనేది ఉంది. అయితే ఎన్టీయార్, రామ్ చరణ్ లతో తెరకెక్కిస్తున్న సినిమా షూటింగ్ ఈ నెల 11 నుండి ప్రారంభించనున్నారు. రాజమౌళి గారు ఈ సినిమా ప్రారంభోత్సవానికి ముఖ్య అతిధిగా ప్రభాస్ ని పిలువగా దానికి ఆయన ఒకే చెప్పారని తెలుస్తుంది.
ఇక ఈ నెల 11 న లాంచ్ అవ్వనున్న ఈ సినిమాకు రాజమౌళి గారి తండ్రి విజయేంద్రప్రసాద్ కథ అందించగా, ఈ భారీ మల్టీ స్టార్ సినిమాని డీవీవీ దానయ్య గారు నిర్మిస్తున్నారు. కథానాయికలు, ప్రధాన పాత్రధారులు ఎవరు అనే విషయాలను త్వరలో వెల్లడించనున్నారు.
