గర్వించదగ్గ సినిమా తీసినందుకు తెలుగు జాతి మొత్తం రాజమౌళి కి ధన్యవాదాలు చెబుతుంటే అయన మాత్రం బహిరంగంగా క్షమాపణలు చెప్పారు. ఆయన దర్శకత్వంలో వచ్చిన బాహుబలి సినిమాలో ప్రధాన పాత్రలన్నింటికీ మంచి పేరు వచ్చింది. ముఖ్యంగా రాజమాత శివగామిని మహిళలందరూ ఓన్ చేసుకున్నారు. అందుకు కారణం రమ్యకృష్ణ నటన. నరసింహ సినిమాలో నీలాంబరి పాత్రతో దక్షిణాది ప్రేక్షకులను మెప్పించిన ఈమె శివగామిగా ప్రపంచవ్యాప్తంగా అభిమానులను సొంతం చేసుకుంది. అయితే మొదట శివగామి పాత్రకు రమ్యకృష్ణను అనుకోలేదట. శ్రీదేవితో చేయిద్దామని ప్రయత్నం చేశారని, ఆమె భారీగా రెమ్యునరేషన్ అడగడంతో వెనకడుగువేసినట్లు రాజమౌళి తాజాగా బయటపెట్టారు.
చెన్నైలో జరిగిన ఆడియో విడుదల కార్యక్రమంలో రాజమౌళి మాట్లాడుతూ ‘‘శివగామి’ పాత్ర కోసం మొదట వేరేవారిని అనుకున్నా. రమ్యకృష్ణగారు అందుబాటులో ఉన్నా.. వేరే వారి కోసం ప్రయత్నించా. అందుకు సిగ్గుపడుతున్నా. ఈ విషయంలో ఆమెకు క్షమాపణ చెబుతున్నా. ఆవిడ అద్భుత నటనతో శివగామి పాత్రను పండించారు’ అని వెల్లడించారు.
Also, do SUBSCRIBE to our YouTube channel to get latest Tollywood updates.
