దీపావళికి సూపర్ స్టార్ సినిమా!

January 25, 2021 / 09:11 PM ISTByFilmy Focus

Join Us

సూపర్ స్టార్ రజినీకాంత్ అభిమానులు ఎంతో ఆసక్తికరంగా ఎదురుచూస్తోన్న చిత్రం ‘అన్నాత్తే’. దర్శకుడు శివ రూపొందిస్తోన్న ఈ సినిమాపై ప్రేక్షకుల్లో మంచి అంచనాలు ఏర్పడ్డాయి. ఈ సినిమాలో రజినీకాంత్ సరసన నయనతార నటిస్తుండగా.. మరో ముఖ్య పాత్రలో కీర్తి సురేష్ కనిపించనుంది. తాజాగా ఈ సినిమా రిలీజ్ డేట్ ని ప్రకటించింది చిత్రబృందం. దీపావళి కానుకగా నవంబర్ 4న సినిమాను విడుదల చేయనున్నారు. ఈ విషయాన్ని నిర్మాణ సంస్థ సన్ పిక్చర్స్ ట్విట్టర్ ద్వారా అఫీషియల్ గా అనౌన్స్ చేసింది.

అనారోగ్యం కారణంగా రజినీకాంత్ కొన్ని రోజులుగా సినిమాలకు దూరంగా ఉంటున్నారు. నిజానికి ఈ సినిమా షూటింగ్ కోసం హైదరాబాద్ వచ్చిన రజినీకాంత్ ఆరోగ్యం దెబ్బతింది. వెంటనే ఆయన్ని హాస్పిటల్ లో జాయిన్ చేసి.. కోలుకున్న తరువాత డిశ్చార్జ్ చేశారు. అనంతరం చెన్నైకి వెళ్లిన రజినీ అక్కడే ఉంటూ విశ్రాంతి తీసుకుంటున్నారు. దీంతో సినిమా షూటింగ్ ఆగిపోయిందని.. ఇప్పట్లో సినిమా రిలీజయ్యే ఛాన్స్ లేదని అంతా అనుకున్నారు. మొదట సమ్మర్ లో ఈ సినిమాను రిలీజ్ చేయాలనుకున్నారు.

కానీ ఇప్పుడు షూటింగ్ ఆలస్యమవుతుండడంతో దీపావళికి రిలీజ్ చేయాలని నిర్ణయించుకున్నారు. ఈ సినిమాలో దివంగత లెజండరీ సింగర్ ఎస్పీ బాలు ఓ పాటను ఆలపించారు. గతేడాదే ఈ పాటను రికార్డ్ చేశారు. మరికొన్ని రోజుల్లో ఈ పాటను విడుదల చేయనున్నారు.