ప్రభాస్ కంటే ముందే చేసిన రజనీకాంత్

బాహుబలి కంక్లూజన్ లోని కొన్ని సీన్లు ఇంగ్లిష్ సినిమాల స్ఫూర్తిగా తెరకెక్కించారని రాజమౌళిపై సినిమా రిలీజ్ అయినప్పుడు విమర్శలు వచ్చాయి. ఆ విమర్శలన్నీ బాహుబలి 2 కలక్షన్స్ తో కొట్టుకుపోయాయి. తాజాగా మరో అంశం ట్రెండ్ అవుతోంది. అదే బాహుబలి, దేవసేన మూడు బాణాలను సంధించే.. సన్నివేశం. ఒక విల్లుతో మూడు బాణాలను సంధించే పోస్టర్ సినిమాపై అంచనాలను పెంచింది. సినిమాలోనూ ఈ సన్నివేశం బాగా ఆకట్టుకుంది. అయితే బాహుబలి’ సినిమాలో చూపించిన చాలా స్టంట్లను తమ సూపర్‌స్టార్‌ ఎప్పుడో చేసేశాడని రజనీకాంత్ అభిమానులు సోషల్‌ మీడియా ద్వారా ప్రచారం చేసుకుంటున్నారు.

‘బాహబలి’ సినిమాలో ప్రభాస్‌ మూడు బాణాలను ఒకేసారి వేసేస్తుంటాడు. ఈ సీన్‌ ‘బాహుబలి’ కంటే ముందే ‘కొచ్చాడయాన్‌’లో రజినీ చేసేశారని ఫొటోలతో సహా షేర్ చేసి చెప్పుకుంటున్నారు. ఈ సినిమాను డైరక్ట్ చేసిన రజినీ కూతురు సౌందర్య కూడా ఆ ట్వీట్‌కు స్పందిస్తూ.. ‘అవును.. నిజమే’ అని రీ ట్వీట్ చేశారు. దీంతో ఈ విషయం అటు కోలీవుడ్, ఇటు టాలీవుడ్ లో హాట్ టాపిక్ అయింది. దీనిపై బాహుబలి టీమ్ ఎలా స్పందిస్తుందో చూడాలి.

Also, do SUBSCRIBE to our YouTube channel to get latest Tollywood updates.