Rajinikanth: గూస్‌బంప్స్‌… రజనీ, లోకేశ్‌ సినిమా ఫిక్స్‌ అట… క్లారిటీ ఇచ్చిన నటుడు!

లోకేశ్ సినిమాటిక్‌ యూనివర్స్‌… ప్రస్తుతం సౌత్‌లోనే కాదు, మొత్తంగా దేశంలోనే మోస్ట్‌ డిస్కష్డ్‌ టాపిక్స్‌లో ఇదొకటి. ఎందుకంటే లార్జర్‌ దేన్‌ లైఫ్‌ సినిమాలు అలవాటుపడిన మనకు… అంతకుమించిన సినిమాలు వచ్చే అడ్డా అది. యువ దర్శకుడు లోకేశ్‌ కనగరాజ్‌ ఈ విశ్వాన్ని క్రియేట్‌ చేస్తున్నాడు. తమిళ యువ స్టార్‌ హీరోలతో తన విశ్వాన్ని ప్రారంభించిన లోకేశ్‌… ఇప్పుడు దాన్ని సౌత్‌ మొత్తానికి విస్తరింపజేస్తున్నాడు. అంతేకాదు సీనియర్‌ స్టార్‌ హీరోలను ఇందులోకి తీసుకొస్తున్నాడు.

మొన్నటికి మొన్న ఎల్‌సీయూలోకి కమల్‌ హాసన్‌ రాగా… ఇప్పుడు రజనీకాంత్‌ కూడా పక్కా అంటున్నారు. ఈ మేరకు లోకేశ్ సినిమాల్లో నటించే ఓ నటుడు క్లారిటీ ఇచ్చాడు. ప్రస్తుతం ‘లియో’ సినిమా పనుల్లో బిజీగా ఉన్న లోకేశ్‌ త్వరలో రజనీకాంత్‌తో సినిమా చేస్తాడు అని అంటున్నారు. ఈ మేరకు ఏర్పాట్లు జోరుగా సాగుతున్నాయని చెప్పుకొచ్చారు. అన్నీ అనుకున్నట్లుగా జరిగితే తలైవా 171వ సినిమా ఇదే అవుతుంది అని అంటున్నారు. ఒకవేళ ఇదే జరిగితే..

ఆ తర్వాత తెలుగు సీనియర్‌ స్టార్‌ హీరోలు కూడా ఈ విశ్వంలోకి వచ్చే అవకాశం ఉంది. ‘ఖైదీ’, ‘మాస్టర్‌’, ‘విక్రమ్‌’ తదితర చిత్రాలతో తనకంటూ ప్రత్యేక గుర్తింపు తెచ్చుకున్నారు దర్శకుడు లోకేశ్‌ కనగరాజ్‌. ఇప్పుడు రజనీ సినిమా చేస్తారని నటుడు బాబు ఆంటోనీ చెప్పాడు. ఈ మేరకు త్వరలో అధికారిక ప్రకటన వెలువడే అవకాశాలున్నాయని చెబుతున్నాయి కోలీవుడ్‌ వర్గాలు. కథలు వేరైనా ఒక సినిమాలోని పాత్రలను మరో సినిమాతో లింక్‌ చేస్తూ ‘సినిమాటిక్‌ యూనివర్స్‌’ని క్రియేట్‌ చేశారు లోకేశ్‌.

మరి రజనీకాంత్‌తో (Rajinikanth) చేయబోయే చిత్రాన్ని ఏం చేస్తారు, ఎలా లింక్‌ చేస్తారో చూడాలి. ఇక రజనీకాంత్‌ విషయానికొస్తే.. ‘లాల్‌ సలామ్‌’ సినిమా చిత్రీకరణను ఇటీవల పూర్తి చేసుకున్న తలైవా విహార యాత్రకు మాల్దీవులు వెళ్లారు. విష్ణు విశాల్‌ ప్రధాన పాత్రధారిగా రూపొందుతున్న ఈ సినిమాలో రజనీకాంత్‌ కీలక పాత్ర పోషించారు. మరోవైపు నెల్సన్‌ దిలీప్‌కుమార్‌ దర్శకత్వంలో రూపొందిన ‘జైలర్‌’ ఆగస్టు 10న విడుదలవుతుంది. ఆ సమయానికి రజనీ స్వదేశానికి వచ్చి ప్రచారం చేస్తారు అని అంటున్నారు.

పాత్ర కోసం ఇష్టాలను పక్కన పడేసిన నటులు వీళ్లేనా..!

సీరియల్ హీరోయిన్స్ రెమ్యూనరేషన్ తెలిస్తే మతిపోతోంది !
ఈ వారం థియేటర్/ ఓటీటీల్లో సందడి చేయబోతున్న 19 సినిమాలు/ సిరీస్ లు