Rajinikanth: సంక్రాంతికి రెడీ అవుతున్న మరో స్టార్‌ హీరో… పొంగల్‌ ఫైట్‌ మరింత టైట్‌

ఈ ఏడాది సంక్రాంతి తెలుగు బాక్సఫీస్‌ దగ్గర ఎలాంటి పరిస్థితి నెలకొందో మీరు చూసే ఉంటారు. రెండు పెద్ద సినిమాలు, మూడు చిన్న సినిమాలు కలిపి మొత్తం ఐదు సినిమాలు ఆ సీజన్‌లో విడుదలయ్యాయి. అందులో ఒక్క సినిమా తప్ప అన్ని సినిమాలు ఆశించిన విజయాన్నే అందుకున్నాయి. అయితే రెండు సినిమాలు ఆఖరి వరకు పొంగల్‌ బరిలోకి దిగి ఆఖరులో తెలుగులో విడుదల కాలేదు. అందులో ఒకటి పూర్తిగా ఎక్కడా రిలీజ్‌ కాలేదు. మరొకటి అలా తమిళంలో విడుదలై అలా వెళ్లిపోయింది.

Rajinikanth

ఇప్పుడు అర్థమయ్యే ఉంటుంది ఆ రెండు సినిమాలేంటో. తమిళ సినిమా పరిశ్రమకు చెందిన ‘జన నాయకుడు’, ‘పరాశక్తి’. రెండూ పెద్ద సినిమాలే అయినా మన దగ్గర సినిమాల తాకిడి ఎక్కువగా ఉండటంతో తెలుగువైపు ప్రచార సమయంలో చూడలేదు. కానీ వచ్చే ఏడాది ఆ పరిస్థితి ఉండదు అనిపిస్తోంది. ఎందుకంటే ఈసారి సంక్రాంతి బరిలో రజనీకాంత్‌ ఉండబోతున్నారు అని సమాచారం. అన్నీ అనుకున్నట్లుగా జరిగతితే తలైవా 173వ సినిమా పొంగల్‌ ఫైట్‌కి రెడీనట.

కమల్‌ హాసన్‌ నిర్మాణంలో రజనీకాంత్‌ ఓ సినిమా చేస్తున్న విషయం తెలిసిందే. ఈ సినిమాకు యువ దర్శకుడు సిబి చక్రవర్తి దర్శకత్వం వహిస్తున్నారు. కొన్ని రోజుల క్రితం నాటకీయ పరిణామాల మధ్య అనౌన్స్‌ అయిన ఈ సినిమా అప్‌డేట్స్‌ కొన్ని వచ్చాయి. ఈ సినిమా చిత్రీకరణ ఏప్రిల్‌ ద్వితీయార్ధంలో ఉంటుంది అని సమాచారం. ఐదారు నెలల్లో సినిమా చిత్రీకరణ పూర్తి చేయాలని టీమ్‌ ప్లాన్‌ చేస్తోందట. అదే జరిగితే సినిమాను వచ్చే సంక్రాంతికి రిలీజ్‌ చేస్తారు అని చెబుతున్నారు.

ఎందుకంటే మనకు సంక్రాంతి సీజన్‌ ఎలాగో తమిళనాటా అంతే. అందుకే ఆ సీజన్‌ మీద కన్నేశారు తలైవా అండ్‌ కో. అంటే ఈ సినిమా తెలుగులోనూ వస్తుంది. ఇప్పటికే తెలుగులో చిరంజీవి, బాలకృష్ణ, వెంకటేశ్‌, నాగార్జున 2027 పొంగల్‌ సీజన్‌ కోసం కర్చీఫ్‌లు వేసేశారు. మరి తలైవా వస్తే ఏమవుతుందో చూడాలి. అయినా ఇప్పుడు ఉన్న కర్చీఫ్‌లు ఎన్ని రోజులు అక్కడే ఉంటాయి అనేది ప్రశ్నే.

తిరుపతిలో 15 నిమిషాల దర్శనం వ్యాఖ్యలపై శివానీ క్లారిటీ