ఇండస్ట్రీకి వచ్చి ఐదేళ్ళు పూర్తి కావస్తున్నా ఇప్పటివరకూ సరైన హిట్టందుకోలేకపోయాడు బెల్లంకొండ సాయి శ్రీనివాస్. ‘అల్లుడు శీను’ ‘జయ జానకి నాయక’ వంటి సినిమాలు పర్వాలేదనిపించినా అవి డైరెక్టర్ల అకౌంట్ లోకి వెళ్ళిపోయాయి. ఆ తరువాత చేసిన ‘సాక్ష్యం’ ‘కవచం’ ‘సీత’ వంటి చిత్రాలు కూడా డిజాస్టర్లుగా మిగిలాయి. దీంతో ఎలాగైనా హిట్టందుకోవాలని .. తమిళంలో సూపర్ హిట్టయిన ‘రాట్ససన్’ రీమేక్ ను ఎంచుకున్నాడు. ‘రైడ్’ ఫేమ్ రమేష్ వర్మ డైరెక్షన్లో రూపొందిన ఈ చిత్రం ఆగష్టు 2 న (రేపు) విడుదలయ్యింది. మొదటి షో తోనే సూపర్ హిట్ టాక్ ను సొంతం చేసుకుంది. ఎట్టకేలకు బెల్లంకొండ ఓ హిట్టు కొట్టాడని ప్రేక్షకులు ప్రశంసలు కురిపిస్తున్నారు. తెలుగు రాష్ట్రాల్లో ఎడతెగకుండా వర్షాలు కురుస్తున్నప్పటికీ ‘రాక్షసుడు’ చిత్రం డీసెంట్ ఓపెనింగ్స్ నే సాధించింది.
‘రాక్షసుడు’ మొదటి రోజు ఏరియా వైజ్ కలెక్షన్ల వివరాలు ఈ విధంగా ఉన్నాయి :
నైజాం – 0.63 కోట్లు
సీడెడ్ – 0.30 కోట్లు
వైజాగ్ – 0.34 కోట్లు
ఈస్ట్ – 0.14 కోట్లు
వెస్ట్ – 0.13 కోట్లు
కృష్ణా – 0.13 కోట్లు
గుంటూరు – 0.23 కోట్లు
నెల్లూరు – 0.06 కోట్లు
———————————————————
నైజాం + ఏపీ (టోటల్) – 1.96 కోట్లు
————————————————————-
మొదటి షోతోనే సూపర్ హిట్ టాక్ ను సొంతం చేసుకుంది కాబట్టి… ఈవెనింగ్ షోస్ నుండీ హౌస్ ఫుల్స్ పడ్డాయి. అయితే ఈ చిత్రం బ్రేక్ ఈవెన్ సాధించాలంటే రెండు, మూడు రోజుల్లో గట్టిగా రాబట్టాల్సి ఉంది. బుకింగ్స్ అయితే బాగానే ఉన్నాయి. బెల్లంకొండని వర్షాలు కాస్త కరుణిస్తే… మరింత ప్లస్ అయ్యే అవకాశం ఉంటుంది.
