తెలుగులో వరుస అవకాశాలు అందుకొంటున్న రకుల్!

పాపం “స్పైడర్” సినిమా డిజాస్టర్ తర్వాత తెలుగులో ఒక్కటంటే ఒక్క సినిమా కూడా సైన్ చేయకపోవడంతో టాలీవుడ్ లో రకుల్ కెరీర్ ఎండ్ అయిపోయినట్లేనని అందరూ అనుకొన్నారు. అందుకు తగ్గట్లే తమిళ, హిందీ సినిమాల్లో బిజీ అయినంతగా టాలీవుడ్ లో ఆఫర్ దక్కించుకోలేకపోయింది రకుల్ ప్రీత్. అయితే.. తమిళంలో సూర్య, శివకార్తికేయన్, కార్తీ సినిమాలు సైన్ చేసి అక్కడ మాత్రం యమ బిజీ అయిపోయింది. బాలీవుడ్ లోనూ అజయ్ దేవగన్ సరసన నటిస్తోంది. అయితే.. టాలీవుడ్ ను రకుల్ అవుట్ అని అన్నోళ్ళందరూ నోళ్లూ మూసే పనిలో పడింది రకుల్ ప్రీత్.

ఇటీవల వెంకటేష్-నాగచైతన్య మల్టీస్టారర్ “వెంకీ మామ” (వర్కింగ్ టైటిల్) లో నాగచైతన్య సరసన నటించే అవకాశాన్ని సొంతం చేసుకొన్న రకుల్.. “బాహుబలి” అనంతరం రాజమౌళి అత్యంత ప్రతిష్టాత్మకంగా తెరకెక్కించనున్న “ఆర్ ఆర్ ఆర్”లోనూ ఎన్టీఆర్ సరసన నటించనుంది. అలాగే.. సుకుమార్ దర్శకత్వంలో మహేష్ బాబు కథానాయకుడిగా మైత్రీ మూవీ మేకర్స్ సంస్థ నిర్మించనున్న మహేష్ 26వ సినిమాలోనూ రకుల్ ను హీరోయిన్ గా ఫైనల్ చేశారని వినికిడి. చూస్తుంటే.. 2019లో క్రేజీయస్ట్ హీరోయిన్ గా రకుల్ ముందు వరుసలో సోఫా వేసుకొని మరీ కూర్చునేలా ఉంది.