రకుల్ ప్రీత్ “లవ్ మ్యారేజ్” స్టోరీ??

టాలీవుడ్ టాప్ హీరోయిన్స్ లో ఒకరైన రకుల్ ప్రీత్ సింగ్ ఇప్పుడెప్పుడే తన కరియర్ ను గాడిలో పెట్టుకుని హిట్స్ తో దూసుకుపోతుంది. అసలైతే తొలుత చిన్న చిన్న హీరోలతో జతకట్టిన ఈ స్లిమ్ బ్యూటీ..ఆతరువాత వరుసగా బడా హీరోలతో ఆడిపాడుతుంది. చెర్రీ బ్రూస్ లీ సినిమాతో దిగాలు పడ్డ ఈ భామ, వెంటనే యంగ్ టైగర్ ఎన్టీఆర్ తో ‘నాన్నకు ప్రేమతో’, స్టైలిష్ స్టార్ అల్లు అర్జున్ తో ‘సరైనోడు’ సినిమాలతో భారీ హిట్ కొట్టి టాప్ పొజిషన్ ను కైవసం చేసుకుంది. ఇదిలా ఉంటే రీసెంట్ గా ఓ స్పెషల్ చిట్ చాట్ లో పాల్గొన్న రకుల్ తన లవ్ మ్యారేజ్ విషయాలపై మనసు విప్పి మాట్లాడింది…

ఇంతకీ ఈ చిట్ చాట్ లో రకుల్ చెప్పిన విషయాలు ఏంటంటే…ఈ క్రేజీ బ్యూటీ పెద్దలు కుదిర్చిన పెళ్లి అస్సలు చేసుకోదట. అలాగని ఇష్టమొచ్చిన వాడిని ప్రేమించి పెళ్లి చేసుకోదట. మరెలా అంటే.. ప్రేమించి ఆ ప్రేమను పెద్ద వాళ్లు అంగీకరించేలా చేసుకుని అప్పుడు పెళ్లి చేసుకుంటుందట ఈ భామ. మరి మీ మనసులో ఎవరైనా ఉన్నారా అని అంటే…అబ్బే ప్రస్తుతానికి అలాంటి వాడు ఎవరూ లేరు..అయినా…ఇప్పుడప్పుడే అలాంటి ఉద్దేశాలు ఏమి లేవు. అసలే ఇప్పుడే కెరియర్ స్టార్ట్ చేశా అంటూ ముద్దు ముద్దుగా తెలిపింది ఈ స్లిమ్ బ్యూటీ. మరి ఎప్పుడు చేసుకుంటారు అంటే…అప్పుడే పెళ్లి ఏంటి….ఇంకా మహేష్ బాబుతో సినిమా కూడా చెయ్యలేదు అంటూ ప్రిన్స్ పై తన ప్రేమను చాటుకుంది. ప్రస్తుతం రాం చరణ్ తని ఒరువన్ రీమేక్ ధృవ సినిమా చేస్తున్న రకుల్ ప్రీత్ సింగ్, రీసెంట్ గా సాయి ధరం తేజ్ సినిమాలో ఓకే అయ్యింది. అంతేకాకుండా సరైనోడు ని ఆమె నటనకు ఫిదా అయిపోయిన దర్శకుడు బోయపాటి తన నెక్స్ట్ మూవీలో కూడా ఆమెనే ఒకే చేసేసాడు… మరి ఇంత బిజీలో ఆమె పెళ్లి గురించి ఆలోచించడం అంటే కష్టమే సుమా…