సొగసరి సొంతింటి కబుర్లు!

“దీపముండగానే ఇల్లు చక్కబెట్టుకోవాలి” అనే సామెతను క్రేజీ హీరోయిన్ రకుల్ ప్రీత్ సింగ్ కాస్త సీరియస్ గా తీసుకొన్నట్లుంది. మొన్నామధ్య రకుల్ “లోటస్ పాండ్” దగ్గరలో ఓ ఖరీదైన ఫ్లాట్ తీసుకొందన్న వార్త ఇంకా చక్కర్లు కొడుతుండగానే.. అప్పుడే మరో లగ్జరీ ఫ్లాట్ ను కొనేసింది అమ్మడు. ఇప్పుడుంటున్న ఫ్లాట్ కి దగ్గర్లోనే మరో కాస్ట్లీ ఫ్లాట్ ను భారీ మొత్తానికి కొనుగోలు చేసిందట. ఫ్లాట్ కొన్నదానికంటే ఎక్కువ ఖర్చు పెట్టి ఇంట్లో ఫర్నిచర్ వర్క్, ఇంటీరియర్ వర్క్ చేయించిందట. హాల్ లో సినిమా రీల్ స్టిక్కర్ అంటించి.. ఆ రీల్ లో అలనాటి బాలీవుడ్ తారల ఫోటోలు అంటించుకొందట. అలాగే.. పార్టీలు గట్రా వాటికోసం బయట పబ్ లకు క్లబ్బులకు వెళ్లడానికి సెలబ్రిటీలకు కాస్త ఇబ్బందే.

అందుకే ఇంట్లోనే మాంచి బార్ సెటప్ ను సెట్ చేసుకొంది రకుల్. అలాగే.. ఇంటి బాల్కనీలో మంచి వాటర్ ఫాల్ సెటప్ కూడా పెట్టుకొందట. ఇవి మాత్రమే కాకుండా ఇల్లు కొనుక్కోవడానికి కొన్ని ఏళ్లపాటు రకుల్ ఒక స్టార్ హోటల్ లో ఉండేది, ఆ యాంబియన్స్ నచ్చి.. తన బెడ్ రూమ్ ను కూడా అదే శైలిలో డిజైన్ చేయించుకొందని అందుకోసం కూడా భారీగానే ఖర్చు చేసిందని వినికిడి!

Also, do SUBSCRIBE to our YouTube channel to get latest Tollywood updates.