ఇటీవల సూర్యతో కలిసి ‘ఎన్జీకే’లో మెరిసిన రకుల్ ప్రీత్‌ సింగ్‌ తాజాగా కోలీవుడ్‌లో మరో బంపర్‌ ఆఫర్‌ అందుకుంది. విజయ్ సరసన నటించే లక్కీ ఛాన్స్‌ దక్కించుకుందట. విజయ్ ప్రస్తుతం అట్లీ కాంబినేషన్‌లో ఓ సినిమా చేస్తున్నారు. నయనతార కథానాయికగా నటిస్తున్న ఈ సినిమా విజయ్ నటిస్తున్న 63 చిత్రం కావడం విశేషం. ఆ తర్వాత లోకేష్‌ కనగరాజ్‌ దర్శకత్వంలో ఓ సినిమాలో నటించేందుకు గ్రీన్‌సిగల్‌ ఇచ్చారు. ఇందులో కథానాయికగా రకుల్‌ని తీసుకునే ఆలోచనలో ఉన్నారట. దీని కోసమై ఇప్పటికే రకుల్‌తో కథా చర్చలు జరిపినట్టు తెలుస్తోంది.
విజయ్ వంటి అగ్ర హీరో సరసన అంటే ఏ కథానాయిక అయినా సరే ఓకే చెప్పకుండా ఉండదు. రకుల్ కూడా అందుకు మినహాయింపు కాదని అంటున్నాయి తమిళ సినీ వర్గాలు. అంతేకాదు తనకు విజయ్ తో కలిసి నటించాలనుందని ఇప్పటికే పలుమార్లు రకుల్ తన మనసులోని మాట చెప్పిన విషయం విదితమే. ఈ నేపథ్యంలో త్వరలోనే రకుల్ కోరిక నెరవేరబోతోందని వేరే చెప్పక్కర్లేదు. అయితే.. విజయ్ ఇంకా రకుల్ ని ఒకే చేయలేదట. సొ, విజయ్ ఫైనల్ చేస్తే రకుల్ మళ్ళీ హీరోయిన్ గా తెలుగు, తమిళ భాషల్లో కొన్నాళ్లపాటు చక్రం తిప్పడం ఖాయం.
Home