సంక్రాంతి సమయంలో సినిమాల మధ్య వార్ ముగిసింది. ఇక వేసవి సీజన్ లో భారీ పోటీ ఉండనుంది. ఆ సమయంలో భారీ చిత్రాలతో పోటీ పడలేక ఫిబ్రవరి, మార్చిలో సినిమాలు రిలీజ్ కానున్నాయి. ముఖ్యంగా కిక్ ఇచ్చే పోటీ మార్చిలో ఉండనుంది. మెగాపవర్ స్టార్ రామ్ చరణ్, సుకుమార్ దర్శకత్వంలో చేస్తున్న “రంగస్థలం” మార్చి 30వ తేదీన రిలీజ్ కానుంది. సమంత హీరోయిన్ గా నటిస్తున్న సినిమాపై భారీ అంచనాలు ఉన్నాయి. పాతికేళ్ల నాటి కథ కావడంతో ఈ సినిమాపై క్రేజ్ నెలకొని ఉంది. ఈ సినిమాని డీ కొట్టడానికి నందమూరి హీరో సిద్ధమవుతున్నారు. ఇజం సినిమా తర్వాత కళ్యాణ్ రామ్ నూతన దర్శకుడు ఉపేంద్ర మాధవ్ దర్శకత్వంలో “ఎం.ఎల్.ఏ” సినిమా చేస్తున్నారు. ఇందులో టాలీవుడ్ క్వీన్ కాజల్ అగర్వాల్ హీరోయిన్ గా నటిస్తోంది.
ఈ మూవీని మార్చి 28న రిలీజ్ చేయాలనీ చిత్ర బృందం భావిస్తోంది. రామ్ చరణ్ సినిమా కంటే రెండురోజుల ముందు వస్తే మంచి కలక్షన్స్ దక్కించుకోవచ్చని వాళ్ళ అంచనా. త్వరలో దీనిపై అధికారిక ప్రకటన చేయనున్నారు. సో వేసవి మొదట్లోనే మెగా, నందమూరి సినిమాలు కలక్షన్ల వేడిని పుట్టించనున్నాయి. ఇంతటి వార్ లోను మహానటి రిలీజ్ కాబోతోంది. సావిత్రి జీవితం ఆధారంగా నాగ్ అశ్విన్ తెరకెక్కించిన ఈ సినిమా మార్చి 29 న థియేటర్లోకి రానుంది. మరి ఈ మూడింటిలో ఏది హిట్ సాధిస్తుందో .. ఇప్పుడే చెప్పలేము.
