“ధృవ” రిలీజ్ గురించి వివరించిన రామ్ చరణ్

బ్రూస్లీ సినిమా తర్వాత మెగా పవర్ స్టార్ రామ్ చరణ్ తేజ్ చేస్తున్న సినిమా “ధృవ”. తమిళ సూపర్ హిట్ తనీ ఒరువన్ కి ఇది రీమేక్. ఆ కథకు దర్శకుడు సురేందర్ రెడ్డి తన ప్రతిభను జోడించి కొత్తగా తీర్చి దిద్దుతున్నారు. గీతా ఆర్ట్స్ బ్యానర్లో అల్లు అరవింద్ నిర్మిస్తున్న ఈ సినిమా దసరాకు రిలీజ్ కావాలి. అయితే ఈ మూవీ ఇంకా షూటింగ్ దశలోనే ఉంది. దీంతో ఐపీఎస్ ఆఫీసర్ గా చెర్రీ ని చూడాలని ఎదురుస్తున్న మెగా అభిమానులు నిరాశ పడ్డారు. ఫ్యాన్స్ కోసం చెర్రీ స్పందించారు.

“దాదాపు షూటింగ్ మొత్తం పూర్తి అయింది. కొన్ని చిన్న సీన్లు మాత్రమే మిగిలిఉన్నాయి. ఎటువంటి వాయిదాలు లేకుండా వాటిని త్వరలోనే కంప్లీట్ చేస్తాం. అతి త్వరలోనే ధృవ థియేటర్లోకి వస్తాడు” అని అభిమానులకు అయన వివరించారు. చాల రోజులుగా మంచి హిట్ కోసం తాపత్రయపడుతున్న రామ్ చరణ్ ధృవతో బ్లాక్ బస్టర్ అందుకోనున్నట్లు చిత్ర బృందం వెల్లడించింది. ఫిట్ బ్యూటీ రకుల్ ప్రీత్ సింగ్ హీరోయిన్ గా నటిస్తున్న ఈ సినిమాలో తమిళ నటుడు అరవింద్ స్వామి విలన్ గా కనిపించనున్నారు. ఈ మూవీని డిసెంబర్ 2 న రిలీజ్ చేసేందుకు అల్లు అరవింద్ భావిస్తున్నారు.

https://www.youtube.com/watch?v=ZGfi666xwvo