Ram charan : స్టైల్‌కు కొత్త డెఫినిషన్ ఇస్తున్న రామ్ చరణ్.. మ్యాగజైన్ కవర్‌పై అదిరిపోయే అవతార్!

గ్లోబల్ స్థాయిలో తనకంటూ ప్రత్యేక గుర్తింపు తెచ్చుకున్న రామ్ చరణ్ గురించి సినీ ప్రేక్షకులకు కొత్తగా చెప్పాల్సిన అవసరం లేదు. మెగాస్టార్ చిరంజీవి వారసుడిగా ఇండస్ట్రీలో అడుగుపెట్టిన ఆయన, కెరీర్ ప్రారంభంలో విమర్శలు ఎదుర్కొన్నప్పటికీ, పట్టుదలతో ఒక్కో మెట్టు ఎక్కుతూ తనను తాను నిరూపించుకున్నారు. ముఖ్యంగా రంగస్థలం మూవీ తర్వాత ఆయన నటుడిగా తనలోని పరిపక్వతను చూపించారు.

Ram charan

ఇటీవల రామ్ చరణ్ మరో ప్రత్యేక గుర్తింపును సొంతం చేసుకున్నారు. ప్రముఖ Esquire ఇండియా మ్యాగజైన్ ఏప్రిల్ 2026 కవర్ పేజీపై ఆయన స్టైలిష్ అవతార్‌లో కనిపిస్తూ అందరి దృష్టిని ఆకర్షించారు. హాంగ్ కాంగ్‌లో నిర్వహించిన ఈ ఫోటోషూట్‌లో ఆయన లుక్ పూర్తిగా ఫ్యాషన్ ఫార్వర్డ్ స్టైల్‌లో ఉండటమే కాకుండా, కొంచెం గ్యాంగ్‌స్టర్ టచ్‌తో మరింత ఆకట్టుకుంది. ఈ ఫోటోషూట్‌లో ఆయనతో పాటు తన పెంపుడు కుక్క ‘రైమ్’ కూడా కనిపించడం ప్రత్యేక ఆకర్షణగా నిలిచింది.

మ్యాగజైన్‌కు ఇచ్చిన ఇంటర్వ్యూలో రామ్ చరణ్ తన కెరీర్, క్రమశిక్షణ, అంతర్జాతీయ గుర్తింపు గురించి ఆసక్తికర విషయాలు పంచుకున్నట్లు సమాచారం. ప్రస్తుతం ఈ ఫోటోలు సోషల్ మీడియాలో వైరల్ అవుతూ ఫ్యాన్స్‌ను ఆకట్టుకుంటున్నాయి.

ఇక సినిమాల విషయానికి వస్తే, రామ్ చరణ్ ప్రస్తుతం దర్శకుడు బుచ్చిబాబు సానా తెరకెక్కిస్తున్న పెద్ది సినిమాలో నటిస్తున్నారు. ఈ చిత్రంలో హీరోయిన్‌గా జాహ్నవి కపూర్ కనిపించనుంది. ఇప్పటికే విడుదలైన ప్రమోషనల్ కంటెంట్ మంచి స్పందన తెచ్చుకుంది. అయితే షూటింగ్ ఆలస్యం, టెక్నికల్ వర్క్ కారణంగా సినిమా విడుదల తేదీపై ఇంకా స్పష్టత రాలేదు. సమ్మర్ సీజన్‌ను టార్గెట్ చేస్తూనే, పర్ఫెక్ట్ అవుట్‌పుట్ కోసం టీమ్ కాస్త సమయం తీసుకుంటున్నట్లు తెలుస్తోంది.

మొత్తానికి, ఒకవైపు స్టైలిష్ లుక్స్‌తో ట్రెండ్ సెట్ చేస్తూనే, మరోవైపు కంటెంట్ పరంగా బలమైన సినిమాలతో ప్రేక్షకులను అలరించేందుకు రామ్ చరణ్ సిద్ధమవుతున్నారు.

Payal Rajput : షూటింగ్ మధ్యలో పాయల్ రాజ్‌పుత్‌కు వింత అనుభవం.. వైరల్ అవుతున్న వీడియో !