శంకర్‌ సినిమాలో రామ్‌చరణ్‌ ఎలా కనిపిస్తాడు? చరణ్‌ను శంకర్‌ ఎలా చూపించబోతున్నారు? గత కొన్ని రోజులుగా మెగాపవర్‌స్టార్ ఫ్యాన్స్‌ నుండి గత కొన్ని రోజులుగా ఈ ప్రశ్నలే మార్చి మార్చి వినిపిస్తున్నాయి. ప్రశ్న ఎలా వేసినా.. ఆలోచన మాత్రం ఒకటే. చరణ్ లుక్‌ ఎలా ఉంటుంది అని. సినిమా లాంచ్‌ రోజు చరణ్ లుక్‌ను చూపించినా… శంకర్‌ మీద నమ్మకంతో సినిమాలో చరణ్ ఇంకా కొత్తగా, డిఫరెంట్‌గా కనిపిస్తాడని లెక్కలేసుకున్నారు ఫ్యాన్స్‌.
అయితే వారి ఆలోచనలన్నీ నిజమే. చరణ్ ఈ సినిమాలో రెండు రకాలుగా కనిపిస్తాడు. ఇప్పడు ఆ ఫొటోలు వైరల్‌గా మారాయి. శంకర్‌ సినిమాలో చరణ్ విద్యార్థిగా, ఐఏఎస్‌ ఆఫీసర్‌గా కనిపిస్తాడని ఇప్పటికే లీక్‌లు వచ్చాయి. ప్రస్తుతం చరణ్ విద్యార్థిగా కనిపించే సన్నివేశాలను అమృత్‌సర్‌లో చిత్రీకరిస్తున్నారు. ఈ సన్నివేశాల్లో కియారా అద్వానీ కూడా పాల్గొంటోంది. ఈ సందర్భంగా చరణ్ లుక్‌ అంటూ కొన్ని ఫొటోలు బయటకు వచ్చాయి. స్టూడెంట్‌గా చరణ్ అదిరిపోయాడని వార్తలొస్తున్నాయి.
అది కాకుండా నిన్న అక్కడే సైనికులతో చరణ్ కలసి గడిపిన ఫొటోలు బయటకు వచ్చాయి. దీంతో చరణ్ డబుల్‌ లుక్‌ అదిరింది అనుకున్నారు. అయితే సినిమా షూటింగ్‌ కొద్ది రోజుల క్రితం రాజమహేంద్రవరం ప్రాంతంలో జరిగింది. ఓ గ్రామంలో చరణ్ మీద కొన్ని కీలక సన్నివేశాలు తీశారు. అప్పటి లుక్‌ ఫొటోలు ఇప్పుడు బయటకు వచ్చాయి. అందులో చరణ్ గడ్డం లేకుండా కోర మీసంతో కనిపించాడు. దీంతో చరణ్ లుక్‌పై ఫ్యాన్స్‌లో ఎక్స్‌పెక్టేషన్స్‌ మళ్లీ పెరిగిపోయాయి.
మామూలుగా చరణ్ గడ్డం లేకుండా అంత అట్రాక్టివ్‌గా ఉండడు. కానీ ఈ ఫొటోల్లో చూస్తే సూపర్‌ ఉన్నాడు. ఈ లుక్‌లో చరణ్ ఎంత సేపు కనిపిస్తాడో తెలియదు కానీ.. కనిపించినంతసేపు థియేటర్లు దద్దరిల్లుతాయి అంటున్నారు. త్వరలో సినిమాకు సంబంధించిన అప్‌డేట్‌ ఇస్తూ చరణ్ ఫస్ట్‌లుక్‌ రిలీజ్‌ చేస్తారనే టాక్‌ వినిపిస్తోంది. అప్పుడు ఈ విషయంలో ఇంకాస్త క్లారిటీ వచ్చే అవకాశం ఉంది. దిల్‌ రాజు బ్యానర్‌లో 50వ సినిమాగా రూపొందుతున్న ఈ చిత్రాన్ని వచ్చే సంక్రాంతికి విడుదల చేయాలని చూస్తున్నారట. దీనిపైనా క్లారిటీ రావాల్సి ఉంది.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
