రామ్ చరణ్ ధృవ లుక్ అదుర్స్

మెగా పవర్ స్టార్ రామ్ చరణ్ తేజ్ “ధృవ” సినిమా కోసం చేసిన కసరత్తు ఫలించింది. గీతా ఆర్ట్స్ బ్యానర్లో సురేందర్ రెడ్డి దర్శకత్వంలో తెరకెక్కుతున్నఈ చిత్రం కోసం చెర్రీ పూర్తిగా శాకాహారిగా మారిపోయాడు. ఫిట్ బాడీ ని సొంతం చేసుకున్నాడు. ఆ లుక్ ని చూడాలని అభిమానులు ఎదురు చూసారు. వారి కోరికను నవదీప్ తీర్చాడు. సినిమాలో రామ్ చరణ్ ట్రైనీ ఐపీఎస్ అధికారి డ్రస్సులో ఉన్న ఫోటోను కో స్టార్ నవదీప్ గురువారం పోస్ట్ చేసాడు. “నా బెస్ట్ ఫ్రెండ్ రామ్ చరణ్ తో కలిసి సినిమా చేయడం, ఆనందంగా ఉంది.” అని ట్వీట్ చేసాడు. ఆ ఫొటోలో మెగా పవర్ స్టార్ లుక్ అభిమానులకు తెగ నచ్చేసింది. “ధృవ” చెర్రీ కి బ్లాక్ బస్టర్ మూవీ అవుతుందని సంబరపడిపోతున్నారు.

అల్లు అరవింద్ నిర్మాణంలో రూపుదిద్దుకుంటున్న ఈ చిత్రం మొదటి షెడ్యూల్ కాశ్మీర్లో జరిగింది. రెండో షెడ్యూల్ హైదరాబాద్లో సాగింది. ఇప్పు మళ్లీ ధృవ టీమ్ కాశ్మీర్లో బిజీగా ఉంది. కీలక సన్నివేశాలను చిత్రీకరిస్తున్నారు. ఫిట్ నెస్ బ్యూటీ రకుల్ ప్రీతీ సింగ్ కూడా ఈ షూటింగ్లో పాల్గొంటోంది. ఈమె బ్రూస్లీ తర్వాత మరో సారి చెర్రీ జోడీగా నటిస్తోంది. తమిళ్ హిట్ సినిమా “తనీ వరువన్” కు రీమేక్ అయిన ఈ చిత్రంలో అరవింద్ స్వామీ ప్రతి కథానాయకుడిగా చేస్తున్నాడు. వేగంగా షూటింగ్ పూర్తి చేసి ఆగస్టులో రిలీజ్ చేయాలని చిత్ర బృందం పనిచేస్తోంది.