మెగాపవర్ స్టార్ రామ్ చరణ్ నటించిన ‘ఆర్ఆర్ఆర్’ సినిమా విడుదలకు సిద్ధమవుతోంది. జనవరి 7న ఈ సినిమా ప్రేక్షకుల ముందుకు రానుంది. దీంతో ఈ సినిమా ప్రమోషన్స్ లో జోరుగా పాల్గొంటుంది చిత్రబృందం. ఇదిలా ఉండగా.. రామ్ చరణ్ తన తదుపరి సినిమాను శంకర్ దర్శకత్వంలో చేయనున్న సంగతి తెలిసిందే. ఇప్పటికే ఈ సినిమాకి సంబంధించిన ఓ షెడ్యూల్ ను పూణేలో నిర్వహించారు. నిర్మాత దిల్ రాజు భారీ బడ్జెట్ తో ఈ సినిమాను నిర్మిస్తున్నారు.
సినిమాలో పాటల కోసమే కోట్లు ఖర్చు పెడుతున్నారని సమాచారం. అలానే కొన్ని యాక్షన్ సన్నివేశాలను స్పెషల్ గా డిజైన్ చేస్తున్నారట. సినిమాలో ఓ కత్తి ఫైట్ ను ప్లాన్ చేస్తున్నట్లు తెలుస్తోంది. రామ్ చరణ్ తన చేత్తో పెద్ద కత్తి పట్టుకొని గూండాలతో ఫైట్ చేసే సన్నివేశం ఫ్యాన్స్ కి బాగా కనెక్ట్ అవుతుందని చెబుతున్నారు. సినిమాలో ఈ ఫైట్ హైలైట్ సీన్ గా నిలుస్తుందని దర్శకనిర్మాతలు భావిస్తున్నారు. ఇందులో చరణ్ ను మాస్ లుక్ లో చూపించబోతున్నారు శంకర్.
త్వరలోనే కొత్త షెడ్యూల్ ను మొదలుపెట్టి గ్యాప్ లేకుండా షూటింగ్ నిర్వహించాలని ప్లాన్ చేస్తున్నారు. ఇక ఈ సినిమాలో కియారా అద్వానీ హీరోయిన్ గా నటిస్తుండగా.. సునీల్, అంజలి లాంటి నటులు కీలకపాత్రలు పోషిస్తున్నారు.
Most Recommended Video
‘అఖండ’ మూవీ నుండీ గూజ్ బంప్స్ తెప్పించే 15 డైలాగ్స్..!
సిరివెన్నెల సీతారామశాస్త్రి గారి గురించి మనకు తెలియని విషయాలు..!
22 ఏళ్ళ రవితేజ ‘నీకోసం’ గురించి ఆసక్తికరమైన విషయాలు…!
Home