అర్ధ రాత్రిలో అదిరేలా చరణ్ ఇంట్రడక్షన్

మెగా పవర్ స్టార్ రామ్ చరణ్ తేజ్ సినిమాల్లో ఇంటర్డక్షన్ సీన్ సూపర్ గా ఉంటుంది. ఇదివరకు చిత్రాల్లో కంటే మరింత గొప్పగా ఉండాలని సురేందర్ రెడ్డి కష్టపడుతున్నారు. ఈ దర్శకుడు చెర్రీ తో ధ్రువ సినిమాను తెరకెక్కిస్తున్నారు. గీతా ఆర్ట్స్ పతాకంపై అల్లు అరవింద్ నిర్మిస్తున్న ఈ చిత్రంలో రకుల్ ప్రీత్ సింగ్ హీరోయిన్ గా నటిస్తోంది. ఈ మూవీ షూటింగ్ ప్రస్తుతం హైదరాబాద్లో జరుగుతోంది.

రామ్ చరణ్ పోలీస్ ఆఫీసర్ గా రాత్రి వేళలో చీకటిని  చీల్చుకుంటూ వచ్చే ఇంటర్డక్షన్ సన్నివేశాన్ని చిత్రీకరించారు. తెల్లవారుజాము వరకు సాగిన ఈ షూటింగ్ లో చెర్రీ పెంపుడు కుక్క బ్రాట్ కూడా పాల్గొంది. సినిమాలో కుక్కపై సీన్లు లేవు గాని చరణ్ పై అభిమానంతో బ్రాట్ సెట్ లోనే ఉన్నింది. ఈ విషయాన్నిచరణ్ తన ఫేస్ బుక్ అకౌంట్ లో వెల్లడించారు. పెంపుడు కుక్కతో ఉన్న ఫోటో ను కూడా పోస్ట్ చేశారు. “ధ్రువ షూటింగ్ ని ఎంజాయ్ చేస్తున్నాను. సోమవారం రాత్రి జరిగిన షూటింగ్ లొకేషన్ కి బ్రాట్ కూడా వచ్చింది.

నిద్ర పోకుండా ఎంతో యాక్టివ్ గా ఉన్నింది.” అని వెల్లడించారు. తమిళ చిత్రం “తని వరువన్” కు సంగీతం అందించినా హిప్ హాప్ తమిజా  ధ్రువకి స్వరాలను సమకూరుస్తున్నారు. అక్టోబర్లో ఈ సినిమా రిలీజ్ అయ్యేలా చిత్ర బృందం శ్రమిస్తోంది.