మెగా పవర్ స్టార్ రామ్ చరణ్ తేజ్ చిరుత నుంచి సీరియస్ సబ్జెక్ట్స్ తీసుకున్నారు. ఆరంజ్ లో మినహా అని చిత్రాల్లో యాక్షన్ ప్రధానంగా ఉంటుంది. అందుకే అతనికి తనలోని కామెడీ టైమింగ్ ని బయటపెట్టే అవకాశం రాలేదు. సుకుమార్ మాత్రం చెర్రీ లోని కామెడీ యాంగిల్ ని బయటికి తీశారు. వీరిద్దరి కాంబినేషన్లో తెరకెక్కిన రంగస్థలం పోస్ట్ ప్రొడక్షన్ పనులను జరుపుకుంటోంది. మైత్రీ మూవీ మేకర్స్ వారు నిర్మిస్తున్న ఈ సినిమాకి సంబంధించిన రెండు టీజర్స్ రిలీజ్ అయి విశేషంగా ఆకట్టుకుంటున్నాయి. రామ్ చరణ్ చిట్టి బాబు గా, సమంత రామలక్ష్మిగా ఈ వీడియోలతోనే ఆసక్తిని కలిగించారు.
సౌండ్ ఇంజినీర్ గా రామ్ చరణ్ ఇందులో హాస్యాన్ని పండిచారని ఫిలిం నగర్ వాసులు చెప్పారు. తనకున్న లోపంతో నవ్వులు పూయించారని వెల్లడించారు. చెర్రీ లోని ఈ యాంగిల్ మెగా అభిమానులకు మంచి వినోదం పంచుతుందని అభిప్రాయపడుతున్నారు. అలాగే ప్రేమ, యాక్షన్ మిస్ చేయలేదని సుకుమార్ టీమ్ స్పష్టం చేసింది. రాక్ స్టార్ దేవీ శ్రీ ప్రసాద్ స్వరపరిచిన పాటల్లో మొదటిది మొన్న రిలీజ్ అయి మనసుకు హత్తుకుంటోంది. మిగిలిన పాటలు కూడా త్వరలో రిలీజ్ కానున్నాయి. జగపతి బాబు, ఆది, అనసూయ తదితరులు నటించిన ఈ మూవీ మార్చి 30న రిలీజ్ కానుంది.
Home