డాక్టర్ గా కనిపించనున్న మెగాహీరో!

మెగా పవర్ స్టార్ రామ్ చరణ్ ఇప్పటివరకు మాస్ ప్రేక్షకులను టార్గెట్ చేస్తూనే సినిమాల్లో నటించాడు. మొదటిసారిగా తన పంథాను మార్చుకొని ఓ ప్రయోగాత్మక సినిమాలో నటించడానికి అంగీకరించాడు. సుకుమార్ దర్శకత్వం వహిస్తోన్న ఈ సినిమాకు ‘ఫార్ములా ఎక్స్’ అనే టైటిల్ ను పరిశీలిస్తున్నారు. అయితే ఈ సినిమాలో రామ్ చరణ్ ఓ డాక్టర్ పాత్రలో కనిపించనున్నాడని సమాచారం.

ఇది వరకు చరణ్ ‘రచ్చ’ సినిమాలో ఓ చిన్న సీన్ లో డాక్టర్ వేషంలో కనిపించాడు. పూర్తి స్థాయి డాక్టర్ పాత్రలో కనిపించనుండడం ఇదే మొదటిసారి.సుకుమార్ కొత్తగా, రొటీన్ కి భిన్నంగా చెర్రీ పాత్రను డిజైన్ చేసినట్లు తెలుస్తోంది. చరణ్ కూడా కొత్తగా కనిపించాలనే ఉద్ధేశ్యంతోనే ఈ సినిమా ఓకే చేసినట్లు తెలుస్తోంది. ఓ సైంటిఫిక్ త్రిల్లర్ జోనర్ లో వస్తోన్న సినిమా కావడంతో ఈ సినిమాపై ప్రేక్షకుల్లో మంచి అంచనాలున్నాయి.

చరణ్ ప్రస్తుతం ‘ధృవ’ సినిమా పనుల్లో బిజీగా గడుపుతున్నాడు. ఈ సినిమాను దసరా కానుకగా రిలీస్ చేయనున్నారు. ఈ సినిమాతో పాటే సుకుమార్ సినిమా షూటింగ్ లో కూడా పాల్గొనాలనేదే చరణ్ ఆలోచన. మరి సుక్కు, చరణ్ ల సినిమా ఎన్ని రికార్డ్స్ ను సృష్టిస్తుందో చూడాలి..!