ఎన్టీఆర్ తో సినిమా నిర్మించనున్న రామ్ చరణ్

మెగా పవర్ స్టార్ రామ్ చరణ్ తేజ్ హీరోగానే కాకుండా నిర్మాతగానూ విజయం సాధించారు. కొణిదెల ప్రొడక్షన్స్ బ్యానర్ స్థాపించి ఖైదీ నంబర్ 150 అనే బ్లాక్ బస్టర్ చిత్రాన్ని నిర్మించారు. ఆ ఉత్సాహంతో మళ్ళీ తన తండ్రి చిరంజీవితోనే సైరా నరసింహా రెడ్డి మూవీ చేస్తున్నారు. దీని తర్వాత చరణ్ నిర్మించే సినిమా గురించి బయటికి వచ్చింది. ఈ సారి బయటి హీరోతో సినిమా చేయాలనీ చరణ్ ఫిక్స్ అయినట్లు తెలిసింది. యంగ్ టైగర్ ఎన్టీఆర్ హీరోగా పెట్టి సినిమా చేయాలనీ సన్నాహాలు మొదలు పెట్టినట్లు సమాచారం. చరణ్, ఎన్టీఆర్ చాలా స్నేహంగా ఉంటారు. ఆ స్నేహం రోజు రోజుకి బలపడుతోంది. వీరిద్దరూ కలిసి రాజమౌళి దర్శకత్వంలో మల్టీ స్టారర్ మూవీ చేయబోతున్నారు.

ఈ సినిమా తర్వాత తన బ్యానర్లో సినిమా చేయమని కోరగా ఎన్టీఆర్ ఒకే చెప్పినట్టు తెలిసింది. ప్రస్తుతం ఎన్టీఆర్ మాటల మాంత్రికుడు త్రివిక్రమ్ శ్రీనివాస్ దర్శకత్వంలో అరవింద సమేత వీర రాఘవ సినిమా చేస్తున్నారు. పూజా హెగ్డే, ఈషా రెబ్బ హీరోయిన్స్ గా నటిస్తున్న ఈ సినిమా దసరా సందర్భంగా అక్టోబర్ 11 న థియేటర్లోకి రానుంది. చరణ్.. బోయపాటి దర్శకత్వంలో యాక్షన్ మూవీ చేస్తున్నారు. కైరా అద్వానీ హీరోయిన్ గా నటిస్తున్న ఈ మూవీ సంక్రాంతి కానుకగా వచ్చే ఏడాది జనవరి 11 న ప్రేక్షకుల ముందుకు రానుంది.